 |
MTU
mmoja Mkazi wa Kitongoji cha Iponjola Kijiji cha Isange Wilaya ya Rungwe Mkoani Mbeya anashikiliwa na Jeshi la Polisi akituhumiwa kumzika mwanaye wa kumzaa kwa
siri ndani ya nyumba yake.
Kamanda
wa Polisi Mkoani Mbeya Diwani Athumani amethibitisha kutokea kwa tukio hilo
ambapo amesema lilitokea juzi majira ya saa Saba mchana baada ya kugundua
kuwa mtoto Debora Riziki (3) kyusa, mkazi wa Iponjola, aligundulika akiwa
amefariki baada ya kufukiwa kwenye shimo ndani ya nyumba ya baba yake mzazi.
Amemtaja
mtuhumiwa kuwa ni Riziki Saidi Mwangoka (27),kyusa,mkulima ,mkazi wa Iponjola
na kuongeza kuwa tukio hilo lilifanywa na mzazi huyo Novemba 29, Mwaka 2012.
Amesema
chanzo cha mauaji hayo ni mgogoro wa kindoa kati ya mtuhumiwa na
aliyekuwa mke wake Esther Msafiri Mwambenja (23),kyusa,mkulima ,mkazi wa
Kibumbwe-Kiwira.
Kamanda
Diwani amesema mgogoro wao ulipelekea wagombee nani aishi na mtoto huyo baada
ya wanandoa hao kutengana hivyo Novemba 28, Mwaka 2012 majira ya saa 11 Jioni
mtuhumiwa alimchukua kwa nguvu marehemu kutoka kwa mama yake na kwenda
nae kwake kisha kumuua na kumfukia sebuleni ndani ya nyumba yake.
Amesema
mwili wa marehemu umefanyiwa uchunguzi na daktari kisha kukabidhiwa ndugu
kwa ajili ya kuzikwa ambapo mtuhumiwa amekamatwa na taratibu zinafanywa ili
afikishwe mahakamani.
Aidha
Kamanda wa Polisi Mkoa wa Mbeya anatoa wito kwa jamii kuacha tabia
ya kujichukulia sheria mkononi ili kuepusha matatizo yanayoweza kuepukika.
Pia
anatoa rai kwa wanandoa kutatua matatizo na migogoro yao kwa njia
ya kukaa meza ya mazungumzo badala ya kutanguliza hasira na matumizi ya
nguvu.
|
Social Plugin