MTANDAO MPYA WA SIMU ZA MKONONI WAJA BONGO, UNAITWA SMART

TAASISI ya Aga Khan Fund for Economic Development (AKFED) kwa kushirikiana na tasisi ya mtandao wa usambazaji wa huduma (IPS network) imeingia katika soko la pamoja la mawasiliano kwa nchi za Afrika Mashariki  kwa kuzindua mtandao mpya wa simu za mkononi uitwao Smart.

Akizungumza na waandishi wa habari jijini Dar es Salaam jana, Mkurugenzi Mtendaji wa Kampuni ya Smart, Abdellatif Bouziani, alisema wameamua kuanzisha mtandao huo kwa kutambua changamoto nyingi zinazoikumba sekta ya mawasiliano kwa nchi za Afrika Mashariki  na kwamba mtandao huo utarahisisha mawasiliano na kwa gharama nafuu.

“Mtandao wa ‘Smart Lets Talk’ utawawezesha watumiaji wa hali zote kumudu gharama za mawasiliano kwa kuwa mteja ataweza kupiga simu kwa mara ya kwanza hadi atakapokata kwa  shilingi 79,” alisema.

Via>> http://kandorodaddycool.com