Taarifa Muhimu!!!! JIHADHARINI NA UTAPELI HUU KUHUSU MIKOPO

 

Kabla hujasoma kilichotokea kwa huyu ndugu tazama majibu wanayotoa baada ya kujaza fomu

Habari Ndugu Tumepokea fomu yako yenye utambulisho nambari Tanz/fm/356T12360 yahusu kupata mkopo wa fedha. Umefanikiwa kuwezeshwa mkopo wa fedha uliohitaji. Tafadhali unaombwa kulipia Ada ya Uanachama Tshs. 83,000 ili tukupatie Code namba yako ya uanachama itakayo kutambulisha kwetu kama mwanachama pindi utakapokua unarejesha malipo ya mkopo tutakaokupatia. Kumbuka kulipia kwako Tshs.83,000 (Elfu hamsini na mbili) ni kianzio chako cha uanachama pia ni kuchangia upatikanaji wa fedha zitakazokua zikizungushwa katika mfuko wa wanachama nawe ukiwa ni mmoja wao. Mkopo wako wa pesa tutakutumia ndani ya Dakika30 mara baada ya kulipia Ada ya uanachama pia ukishalipia ada tutakutumia Code namba yako ya kujiunga na uanachama, mkopo wako utatumwa kupitia tigo pesa, Bank akaunti, Airtel Money, Ezey Pesa au Mpesa. Tafadhali Uaminifu ni kitu cha msingi kwetu na kwa kila mtanzania tunategemea mara baada ya kupokea pesa ulizozitaka baada ya miezi miwili kupita tunaimani utakua ukilipa deni kwa kila mwezi Tshs. 60,000 mpaka utakapomaliza deni lako. Tunakuomba Lipia Ada ya Uanachama Tshs.83,000 kuchangia mfuko wa Tanzania Loans katika M-Pesa nambari 0716 745 387 pesa itapokelewa na muweka hadhina mkuu wa Tanzania Loans Society. Tukishapokea malipo yako ya uanachama ndani ya dakika30 utatumiwa fedha Taslim za mkopo uliohitaji pamoja na Code namba yako ya Uanachama

Regard,
Zainabu Kikwete
Loan Officer,
General Manager (TANZANIA LOANS SOCIETY)

 

Na Josephat Lukaza wa Lukaza Blog

Nimelazimika Kuandika Ujumbe huu kwaajili ya kuutarifu umma wa watanzania mara baada ya kupokea Ujumbe mfupi wa Sms kutoka Kwa rafiki yangu Mroki Mroki juu ya Kuingiliwa kwa akaunti ya Facebook na kuandika Ujumbe wa Kitapeli.

Huu ni Ujumbe ulioandikwa katika Ukurasa wa Rafiki yangu Mroki Mroki katika Ukurasa wake wa Facebook ukijaribu Kuwaaminisha watanzania Juu ya Mikopo inayotolewa na Kutumia Mbinu mbalimbali ili kuweza kutapeli watu.

Baada ya kuona Ujumbe Huo Mroki Mroki aliamua kuwajulisha Baadhi ya Rafiki zake kuweza kumsaidia Kuwataarifu wengine kuhusu ujumbe kuwa Siyo Mroki Mroki aliyeandika Ujumbe huo bali ni Matapeli wa Mtandaoni walioweza kuingilia akaunti yake ya facebook na kuweza kuandika Ujumbe huo wakijaribu kuwaaminisha Umma kama wanatoa Mikopo Bila Riba.

Napenda Kuchukua Nafasi hii Kuwataarifu watanzania kuwa HUU NI UTAPELI MSITHUBUTU KUTUMA PESA MTAIBIWA.

USHAURI WANGU KWA WATUMIAJI WA MITANDAO HII PAMOJA NA BARUA PEPE.

Tuwe na Utaratibu wa Kubadilisha mara kwa mara Namba au Maneno ya Siri tunayotumia katika Kuingilia katika akaunti zetu za barua pepe au akaunti zetu za facebook .Kwa kufanya Hivi tunaweza kuzuia watu kuingilia Akaunti zetu Kwa kiasi kikubwa .

Credit-This day magazine