Walioshuhudia tukio hilo wamesema limetokea jana majira ya saa 12 jioni wakati ng’ombe hao wakirudi
nyumbani kutoka kwenye malisho ambapo ghafla gari liligonga mifugo zaidi ya 50 mchungaji wa mifugo maarufu kwa jina la Mwanaholo akinusurika kugongwa na kusababisha kuzimia kufuatia ajali hiyo.
Mmoja wa mashuhuda wa ajali hiyo Hamis Nkuba amesema gari hilo likiendesha kwa mwendo kasi liligonga mifugo hiyo iliyokuwa katikati ya barabara na kuhama njia na kwenda vichakani huku
lilimkosa kumgonga mchungaji wa mifugo huyo na muda mfupi ng’ombe na mbuzi hao wakianza kufa mmoja baada ya mwingine.
Akizungumza na Malunde1 Blog mwenyekiti
wa kitongoji cha Mwalugoye katika kata ya Chibe kulikotokea ajali hiyo Deus Samike amesema ng’ombe 7 na mbuzi mmoja walikufa papo hapo huku ng’ombe
wawili na mbuzi wakijeruhiwa vibaya.
"Mara nyingi magari yamekuwa yakipita kwa kasi sana eneo
hili,madereva hawako makini, katika ajali hii mifugo 51 imenusurika kufa,yaani mbuzi
12 na ng’ombe 38”,amesema Samike.
Afisa mifugo kata ya Chibe John Kisanga amesema baada ya tukio
hilo walimkamata dereva na tayari ameshafikishwa kwenye vyombo vya dola.
Amewataja waathirika wa mifugo yao katika ajali hiyo ambao huchanganya ng’ombe kwa pamoja kuwa ni
Hamisi Kameja Nkuba Nkuba,Mbonge Mahushi na Kashindye Mahungi.
Kwa upande wao waathirika hao wamesema ajari hiyo imewatia hasara na kuwarudisha
nyuma kimaendeleo kwani mifugo hiyo huitumia kwa shughuli mbalimbali zikiwemo za kilimo.
Naye afisa
mtendaji wa kata ya Chibe Wiliam Ndile amewataka wananchi kutofanya vurugu yoyote juu ya magari yanayopita katika barabara
hiyo ili kuendelea kulinda amani ya nchi huku akiongeza kuwa suala hilo limeshafika
kwenye vyombo vya sheria na litafanyiwa kazi na waathirika watalipwa fidia ya
mali zao.
Kamanda wa
Jeshi la polisi mkoani Shinyanga Evarist Mangalla amethibitisha kutokea kwa tukio hilo.
Na Kadama Malunde wa Malunde1 blog-Shinyanga