 |
| Naibu mstahiki meya wa manispaa ya Shinyanga David Nkulila
Halmashauri ya manispaa ya
Shinyanga mkoani Shinyanga imekanusha tuhuma zilizotolewa na umoja wa katiba ya
wananchi(UKAWA) wakati wa mkutano wao mjini Shinyanga katika viwanja vya
Shy-com siku ya Jumamosi wiki iliyopita kwamba manispaa hiyo imefanya
ubadhilifu wa shilingi bilioni 1.2.
Katika mkutano wa UKAWA
mjini Shinyanga,mwenyekiti wa baraza la vijana wa CHADEMA taifa (BAVICHA) John
Heche akizungumza, alidai kuwa manispaa ya Shinyanga imefuja shilingi milioni 900
kununulia mafuta ya magari ya watu binafsi na shilingi milioni 300 hazijulikani
zilipo pamoja na kwamba pamoja na halmashauri hiyo kuwa na madiwani wengi wa
CCM lakini hakuna usimamizi na hawako makini.
Akizungumza leo kwenye
kikao cha kazi cha manispaa ya Shinyanga naibu mstahiki meya wa manispaa hiyo
David Nkulila alisema taarifa za Ukawa siyo sahihi kwani manispaa hiyo kwa
kushirikiana na ofisi ya mkuu wa wilaya na mkoa iko iko makini na inafanya kazi
kwa ufanisi mkubwa kupitia serikali ya ccm hivyo hakuna ubadhilifu uliofanyika.
“Nikiwa kama msimamizi wa
halmshauri hii,nakanusha uongo huu wa mchana kweupe,Ukawa ni bora wakafanya
siasa safi,siyo hizi za kuvurugana,katika mwaka wa fedha 2012/2013 bajeti ya halmashauri
ilikuwa shilingi bilioni 1.7,na mpaka shughuli zake zinaendelea kama kawaida,hatujayumba”,alieleza Nkulila.
“UKAWA wameniudhi sana kwa
upotoshaji huo,Hizo bilioni 1.2 imepoteaje?sisi tunashangaa ina maana
tunaendesha manispaa?,haiwezekani,kama tumetumia
milioni 900 kununua mafuta kwa magari ya watu binafsi,ni watu gani hao,je ya
kwa magari ya ofisi tumetumia shilingi ngapi?,hawa UKAWA siyo watu wazuri,ni vyema wananchi
wakawapuuza kwa sababu wanalenga kutuchonganisha”,alisema naibu meya huyo.
Hata hivyo Nkulila amesema
halmashauri yake mpaka sasa bado haijapata taarifa rasmi kutoka ofisi ya
mkaguzi mkuu wa hesabu za serikali (CAG) lakini kwa mujibu wa taarifa zilizoko
kwenye mtandao wa intaneti halmashauri hiyo katika mwaka wa fedha 2012/2013 imepewa
hati yenye mashaka badala ya hati safi.
“Halmashauri hii imepata
hati safi kwa zaidi ya miaka 5,kipindi hiki tumepata hati yenye mashaka,kwa mujibu wa mtandao,sababu
ni 3,moja ni kutofanya tathmini ya mali za halmashauri hiyo,mali zake zenye
thamani ya shilingi 329,787,558.26/=kukosa hati miliki pamoja na halmashauri
hiyo kutolipa madeni ya NHIF yenye jumla ya shilingi 2,481,842/=",alisema Nkulila.
kaimu mkurugenzi wa manispaa ya Shinyanga Dismas Minja alitumia fursa hiyo kuwataka watendaji wa halmashauri hiyo kufanya kazi kwa kuzingatia maadili na kuwa na mwamko wa maendeleo yanayohusu wananchi kwa kufanya kazi kwa wakati na kiwango kinachotakiwa ili kuendelea kuwaletea maendeleo ya wananchi.
Na Kadama Malunde wa Malunde1 Blog
|
Tags:
habari