Shirikisho la vyama vya wafanyakazi mkoani
Shinyanga (TUCTA) limetoa zawadi ya cheti na shilingi milioni moja taslimu kwa
mkuu wa mkoa wa Shinyanga Ally Nasoro Rufunga baada ya kuwaunganisha vyema na waajiri
wao pamoja na kuwatatulia changamoto ndogo ndogo wanazokabiliana nazo.
Akitoa zawadi hiyo juzi katibu mkuu wa
(TUCTA) mkoani Shinyanga Fue Mlindoko kwenye sherehe ya kufanya tathmini ya sikukuu
ya wafanyakazi Me imosi iliyofanyika kimkoa katika uwanja wa Kambarage mjini Shinyanga,alisema kuwa mkuu huyo wa mkoa amekuwa mstari wa mbele kushirikiana na
shirikisho hilo la vyama vya wafanyakazi katika kufanikisha sherehe zao.
Mlindoko alisema licha ya
kufanikisha sherehe zao pia amekuwa akisikiliza matatizo ya wafanyakazi pamoja
na kuyatafutia ufumbuzi yale anayoweza kuyatatua huku akiwaunganisha vyema na
waajiri wao na kuwashauri kushiriki kikamilifu na kutoa michango yao katika
kuadhimisha sherehe za meimosi na kuwatunuku zawadi wafanyakazi bora
‘Shirikisho letu la vyama vya wafanyakazi
(TUCTA) tulikaa kikao chetu cha kufanya tathmini ya sherehe za Mei Mosi
tukaona mkuu wetu wa mkoa anastahili pongezi za pekee pamoja na kumtunuku
zawadi kutokana na kuwa mstari wa mbele katika kufanikisha masuala yetu, bila
yeye mambo mengi tungekuwa tunakwama hivyo tunaridhika na utendaji wake wa kazi”
alisema katibu wa Tucta mkoa.
“Zawadi hiyo itakuwa chachu kwake na
kumhamasisha zaidi kuendelea kuwajari wafanyakazi wote wa sekta binafsi na
sekta ya umma kwa kusikiliza matatizo yao na kuyatafutia ufumbuzi yale
anayoyaweza yeye kama mkuu wa mkoa, tunajua matatizo mengine hawezi kuyatatua
lakini atayafikisha kwenye uongozi wa juu kwa kuwa yeye ni rais wa mkoa wetu”,aliongeza Mlindoko
Kwa upande wake mkuu huyo wa mkoa Ally
Rufunga alishukuru shirikisho hilo la vyama vya wafanyakazi mkoani humo (TUCTA)
kwa kumtunuku cheti na zawadi hiyo ya fedha milioni moja taslimu huku akiahidi
kuendeleza ushirikiano nao na kusema kuwa wafanyakazi ndio kichocheo cha
maendeleo hapa nchini.
Rufunga alisema bila wafanyakazi nchi
haiwezi kuendelea na kukua kiuchumi hivyo ni vyema serikali
inayoongozwa na Rais Jakaya Mrisho Kikwete iwe iendelee kusikiliza matatizo yao na
kuyatafutia ufumbuzi il ikuwaongezea hali ya kufanyakazi kwa ufanisi na kujituma
jambo ambalo litaongeza pato la taifa na kuboresha maisha bora kwa kila
mtanzania.
Rufunga alitumia fursa hiyo kwa kutoa rai kwa wafanyakazi wote hapa nchini kuacha kutafuta haki zao kwa kufanya
maandamano na migomo kitendo ambacho kimekuwa kikiathiri watanzania wengi
wakiwemo wanafunzi ,na wagonjwa ambao wamekuwa wakipoteza maisha yao sababu ya
migomo hiyo.
“Napenda kutumia fursa hii kutoa rai kwa
wafanyakazi wote hapa nchini, maandamano na migomo sio njia sahihi ya kutafuta
haki zenu ,bali fikishe matatizo sehemu husika subirini majibu yenu, ikiwa
serikali huwa inataratibu zake ,muwe na subira na siyo kutafuta haki kwa nguvu
na kugharimu maisha ya watu wakiwemo na wanafunzi kukosa masomo” alisema
Rufunga
Na Marco Maduhu-Shinyanga