Katika
hali isiyo ya kawaida wananchi wa kijiji cha Bugulula kata ya Bugulula wilayani
Geita wamefunga ofisi ya serikali ya kijiji kwa madai mbalimbali
wanayoyalalamikia wananchi hao ikiwemo na tuhuma ya kujenga msingi katika jengo
la zahanati ya mama na mtoto kwa kiwango kinachotiliwa mashaka.
Wakiongea
kwa nyakati tofauti wananchi hao wamedai kuwa wameamua kufunga
ofisi hiyo kutokana na ubadhirifu unaoendelea kijijini hapo wa kupitisha miradi
bila kuwashirikisha wananchi na huku miradi hiyo wakifahamu ni mali ya wananchi
hao mfano msingi wa jengo la mama na mtoto linalogharimu
kiasi cha shilingi milioni 36 na huku tayari ameshalipwa nusu
ya pesa hizo.
Aidha
wananchi hao waliokuwa na zaidi ya 250 walifika na kuweka
makufuli yao huku wakishinikiza viongozi hao waachie ngazi mara moja.
Wananchi
hao waliongeza kuwa hawajasomewa mapato na matumizi kwa muda mrefu kiasi
ambacho viongozi hao wamekuwa wakiwapiga chenga.
Lalamiko
jingine ni la kumtuhumu mwenyekiti wa kijiji hicho bwana Matati Bahati kujimilikisha
eneo la makaburi kuwa la kwake kwa kutumia mamlaka yake na kuanza
kulima mihogo katika eneo hilo na jambo jingine ni kupuuza maamuzi yanayopitishwa
na wananchi kwenye mikutano ambayo walishaifanya miaka ya nyuma.
Diwani
wakata hiyo Elisha Lupuga ambaye ni mwenyekiti wa halmahauri ya
wilaya ya Geita alipoulizwa kuhusu mgogoro huu kuendelea alisema kuwa huu sio
mgogoro bali ni vijana wachache tu waliopandikizwa kufanya fujo katika kijiji
hicho.
Mwandishi wa habari hizi
alipotaka kujua kuhusu madai ya diwani huyo kusema kuwa ni vijana wahuni ndio
wamepandikizwa kudai,Je ni kwanini wamemlipa mamilioni ya pesa
mkandarasi aliyekuwa anajenga msingi wa mama mtoto na huku wakijua
kazi ni mbaya na iko chini ya kiwango na ikasomwa kwenye baraza la
madiwani mwezi wa kwanza kuwa msingi umekamilika asilimia mia moja?
Diwani huyp alisema
..... “mimi sihusiki na mradi huo wanaohusika ni serikali ya kijiji
chenyewe’’.
Mwenyekiti
wa serikali ya kijiji cha Bugulula bwana Bahati Matitu alipoulizwa alisema.....
”Kuhusu msingi wa jengo la mama na mtoto ni
kweli una ufa na tayari mkandarasi tulimwambia na anakuja kuurekebisha ili
atukabidhi na suala la kusoma mapato na matumizi mwenyekiti amesema wananchi
hawajitokezi kwenye mikutano ya hadhara tumeshawahi kuitisha lakini wanakomea
watu 20 kijiji kizima tunashindwa kusoma kwa uchache wa watu”.
Kuhusu suala la kutaifisha eneo la makaburi mwenyekiti
huyo wa kijiji alisema kuwa yeye eneo hilo alilipata kwa mujibu wa sheria kwani
alipokuwa anaingia madarakani aliomba kwenye serikali ya kijiji na kumgawia kwa
hiyo ni mali yake na kuhusu maazimio ya wananchi kuyapuuza alisema hajawahi
kupuuza maazimio yoyote na hataweza.
Na Valence Robert-wa
Malunde1 blog Geita