JAMAA AHUKUMIWA JELA MIAKA 15 KWA KOSA LA KUMCHEZEA MTOTO WA MIAKA MITATU SEHEMU ZA SIRI

Mahakama ya Wilaya ya Ilala, imemhukumu kifungo cha miaka 15 jela, Hassan Suleiman (23) mkazi wa Kitunda, kwa kupatikana na hatia ya kumdhalilisha mtoto wa miaka mitatu kwa kumchezea sehemu zake za siri kwa vidole.

Akisoma hukumu hiyo jana, Hakimu Mkazi Mwandamizi, Hassani Juma alisema kuwa mshitakiwa huyo atatumikia kifungo hicho iwe fundisho kwa wengine.

Pia Mahakama hiyo imefikia uamuzi huo baada ya kuridhika na ushahidi uliotolewa mahakamani hapo kutumia mashahidi wanne ikiwamo mtoto aliyefanyiwa vitendo hivyo pamoja na ushahidi wa fomu ya Polisi ya Matibabu (PF3) iliyotolewa mahakamani hapo kama kielelezo.

Awali, Wakili wa Serikali, Felista Mosha alidai mshtakiwa alitenda kosa hilo Oktoba 23, mwaka jana, maeneo ya Kitunda Migombani wilayani Ilala ambapo alimwingizia vidole sehemu za siri mtoto huyo ambaye ni mwanafunzi wa shule ya awali ya Kitunda Mwanagati,  wilayani humo.

Katika utetezi wa awali alioutoa mshitakiwa, alidai mtoto huyo alipotea baada ya kutoka shuleni na kwenda nyumbani kwake kuomba maji ya kunywa ndipo alimueleza Suleiman kwamba amsaidie kumpeleka nyumbani kwao ambako hata yeye mwenyewe hakujui.

TUNAPENDA TUKUTUMIE HABARI ZETU MARA TU ZINAPOTOKEA, LIKE PAGE YETU SASA HIVI UENDE NA WAKATI. BONYEZA HAYA MANENO

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com