ANGALIA PICHA_ MAZISHI YA MWANAFUNZI ALIYEFARIKI MASAA MATATU KABLA YA KUANZA KUFANYA MTIHANI WAKE WA FORM FOUR HUKO SIMIYU

Mwili wa aliyekuwa mwanafunzi wa Shule ya Sekondari Simba wa Yuda Yunis Festo aliyefariki dunia siku ya Jumatatu wiki hii saa 11 alfajiri muda mchache kabla ya kuanza kufanya mtihani wa kuhitimu kidato cha nne mwaka 2014

Eneo la msiba wa aliyekuwa mwanafunzi wa shule ya sekondari Simba wa Yuda  Yunis Festo 

Mwili wa marehemu Yunis Festo ukiwa umebebwa kwenye jeneza tayari kwa mazishi nyumbani kwao na mwanafunzi huyo katika kijiji cha Igembe wilaya ya Kwimba mkoani Mwanza

 mwili wa marehemu ukiwa kwenye jeneza wakati wa ibada ya mazishi mchana huu kabla ya mazishi

 Watu mbalimbali wenye mapenzi mema wakifuatilia ibada ya mazishi

 Watu mbalimbali wenye mapenzi mema wamejitokeza katika mazishi hayo

Mmoja wa walimu wa mwanafunzi huyo bwana Damian Kageba Kupimo akiwa msibani leo

 Jeneza la marehemu

mwili wa marehemu ukipelekwa makaburini kwa ajili ya mazishi

Mwanafunzi Yunis Festo enzi za uhai wake.Hii picha alipiga tarehe 1,Novemba 2014 siku ya mahafali ya shule ya sekondari Simba wa Yuda

 Mazishi ya mwanafunzi Yunis Festo aliyekuwa anasoma kidato cha nne katika shule ya sekondari Simba wa Yuda iliyoko katika kijiji cha Bulima wilaya ya Busega yamefanyika mchana huu katika kijiji cha Igembe wilaya ya  Kwimba mkoani Mwanza .

Watu mbalimbali wenye mapenzi mema wakiwemo walimu,wanafunzi,viongozi wa dini na wakazi wa kijiji hicho na wengine kutoka mikoa ya jirani wamehudhuria mazishi hayo.

Ibada ya mazishi imeongozwa na mchungaji Josephares Ihoneyo Mtebe.

Yunis Festo aliyezaliwa tarehe 26.02.1996 amefariki dunia juzi saa 11 alfajiri  zikiwa zimesalia saa tatukuanza kufanyika kwa mtihani wa kidato cha nne kote nchini ulioanza juzi Jumatatu.

Malunde1 blog iliiambiwa kuwa mwanafunzi huyo amefariki dunia juzi baada ya kukimbizwa  katika kituo cha afya  Bulima na wanafunzi wenzake aliokuwa nao bwenini alipozidiwa majira ya saa 9 usiku wa kuamkia siku ya Jumatatu.

Habari zinasema kuwa mwanafunzi huyo alikuwa anaumwa kichwa na kwamba alikuwa anasumbuliwa na ugonjwa wa Sickle Cell.

Malunde1 blog inawapa pole ndugu,jamaa na marafiki waliofikwa na msiba huo.

Mungu ailaze mahali pema peponi roho ya marehemu Yunis Festo.Amina

PICHA/HABARI NA DAMIANI KAGEBA LUPIMO

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com