 |
| Afisa kutoka ofisi ya madini Mkoa wa Shinyanga akitoa maelezo kwa Mkuu wa Mkoa wa Shinyanga Ally Rufunga( mwenye suti) juu ya mradi mwingine wa kuchenjua dhahabu eneo la Bushushu katika Manispaa ya Shinyanga |
 |
| Sehemu ya maabara inayotumika katika uchenjuaji wa dhahabu, mmiliki wa mradi huo |
Nyumba hii ndiyo kiwanda chenyewe, awali ilijengwa kwa matumizi ya
makazi lakini mmiliki alibadili matumizi na kuamua kuanza kuchenjua dhahabu
Serikali
Mkoani Shinyanga imefunga rasmi shughuli za uchenjuaji dhahabu katika
eneo la Bushushu kata ya Ngokolo, manispaa ya Shinyanga baada ya
kujengwa katikati ya makazi ya watu hivyo kuleta athari kwa wananchi
kutokana na sumu kali inayotumika kwa kazi hiyo.
Mkuu
wa mkoa wa Shinyanga Ally Rufunga amefunga shughuli hizo mapema
leo baada ya kutembelea eneo hilo na kujiridhisha kuwa hapastahili
kufanya kazi za aina hiyo na amesema amefanya hivyo ili iwe fundisho kwa
wengine.
Rufunga amesema uamuzi huo unafuatia malalamiko ya baadhi ya
wananchi wa eneo hilo kuwa kuna viwanda vinavyojihusisha na uchenjuaji
wa dhahabu ambapo Halmashauri ya Manispaa ilishawasimamisha wamiliki
wake kuendelea na shughuli hizo lakini walikaidi, hivyo aliamua kufanya
ziara akiambatana na Mkuu wa wilaya ya Shinyanga, Bi Anna Rose
Nyamubi pamoja na wataalamu wa manispaa ya Shinyanga.
Akiwahoji
wamiliki hao ambao ni Kija Makindo wa Nyoda Investment pamoja na Ezekiel Allen William (Mbwambo) kwa nyakati tofauti alipotembelea
kwenye viwanda hivyo, walikiri kuwa, awali walinunua viwanja hivyo kwa
ajili ya kujenga makazi lakini walibadili matumizi na kufanya viwanda
vya kuchenjua dhahabu.
Aidha,
Mkuu wa Mkoa ameagiza Mbwambo kupelekwa mahakamani kwa kosa la
kuendesha mradi huo bila leseni ya Ofisi ya Madini Mkoa ambao
walimsimamisha tangu mwezi Novemba mwaka jana ili wakamilishe taratibu
za kutoa leseni lakini alikaidi amri hiyo na kuendelea kuzalisha.
Ofisi
ya Mazingira Manispaa pia imedai iliwashauri wamiliki hao kufuata
taratibu zote za tathmini ya athari za mazingira kwa kuwasiliana na
Baraza la Mazingira la Taifa yaani (NEMC) ili wapate vyeti lakini
wameshindwa kufanya hivyo.
Hata
hivyo, mmiliki mmoja Makindo ameomba kupewa muda zaidi ili
akamilishe taratibu za kuhamisha vifaa kabla ya kufunga kiwanda chake
ambapo amepewa siku 30 ili kukamilisha shughuli hiyo.
Na Magdalena Nkulu,Ofisi ya Mkuu wa MkoaShinyanga