 |
| Umati mkubwa wa wakazi wa maeneo mbalimbali ya mji wa Moshi wakishuhudia moja ya nyumba iliyokuwa imewahifadhi watoto wenye umri kati ya miaka 3 na 14 wakipewa mafunzo. |
 |
| Gari la Polisi wakiwa tayari kwa chochote ambacho kingejitokeza katika harakati za kuwatoa watoto hao katika nyumba hiyo |
SIKU
chache baada ya kugundulika nyumba iliyohifadhi watoto 18 katika eneo
la Pasua mjini Moshi mapya yameibuka baada ya kuwepo kwa taarifa ya
uwepo wa watoto wengine katika nyumba nyingine huko Kibosho wilaya ya
Moshi vijijini.
Hayo yanajitokeza ikiwa tayari jeshi la Polisi mkoa wa Kilimanjaro
,likiwashikilia watuhumiwa wawili ,Abeid Karata(36) na mkewe Aisha
William(40) ambao ni wamiliki wa nyumba hiyo kwa tuhuma za kuwafungia
ndani watoto hao pamoja na kumiliki kituo ambacho hakina usajili.
Mwalimu mstaafu wa shule ya Msingi,Kilindini,Abubakari Sekievu mkazi wa Tanga
ameshikiliwa na jeshi la Polisi mkoani Kilimanjaro kwa tuhuma za kuhusika kuhifadhi
watoto 11 wa kike katika kituo na kisha kuwapatia mafunzo yanayodaiwa kuwa ni
ya dini ya Kiislamu na Ushonaji.
Watoto
hao wenye umri kati ya miaka 14 hadi 17 walikutwa katika kituo kinachojulikana
kwa jina la Umm Sukhail kilichopo eneo la Lyamungo,kata ya Kibosho wilayani Hai
wakiwa wamehifadhiwa kama ilivyo kuwa kwa
watoto 18 waliokutwa katika nyumba moja eneo la Pasua mjini Moshi.
Mbali
na mwalimu huyo Polisi pia inawahoji wasichana hao wanaotajwa kutoka mikoa ya
Dodoma,Singida ,Tanga,Tabora Mbeya na Kilimanjaro ili kubaini mambo kadhaa
kuhusaiana na utaratibu wa kisheria wa uanzishwaji wa shule hizo .
Kamanda
wa Polisi mkoa wa Kilimanjaro Geofrey Kamwela amethibitisha kukamatwa na
kuhojiwa kwa Mwalimu pamoja na wasichana hao na kwamba mahojiano yanaendelea
kujua kama kituo hicho kimesajiliwa ama la.
Kuhusu
endapo watoto hao walikuwa wakihudhulia masomo katika shule za serikali,Kamwela
amesema bado Polisi inaendelea kuchunguza kwa kushirikisha maofisa elimu na
waalimu ili kupata taarifa za kina za wanafunzi hao kama walikuwa wanahudhuria
masomo yao ya
kawaida au la.
Katika
hatua nyingine Kamanda Kamwela amesema watoto 18 waliokutwa katika nyumba moja
eneo la Pasua tayari baadhi yao wamechukuliwa na wazazi wao na kwamba
imebainika baadhi yao walikuwa ni wanafunzi katika shule za msingi za
Pasua,Kaloleni,Langasani,Jitegemee na Azimio za mkoani Kilimanjaro.
Kamanda
Kamwela amesema yapo mambo ambayo yanaendelea kutoa mashaka juu ya kugundulika
kwa vituo hivyo kutokana na uwepo wa mambo kadhaa yanayofanana kama mikoa
walikotolewa watoto waliokutwa katika kituo cha kwanza na hiki cha hivi
karibuni.
Na Dixon Busagaga wa Globu ya Jamii Kanda ya Kaskazini.