@@@@@@@@@@@@@@@@
=DHANA YA KUFIKIRIKA CHANYA NA
HASI=
HISTORIA FUPI YA MAISHA YANGU:
“LT MBERITO KIMVELYE MAGOVA”
(MST)
NIMEIANDIKA NIKIWA DODOMA: TAREHE
16/06/2011
Mimi
nimeamua kueleza historia fupi ya maisha yangu juu ya mambo mbalimbali
ninayopambana nayo katika maisha yangu tangu mwaka 1956 mpaka sas.
Wako watu
Tanzania, Africa na Ulimwengu kwa ujumla hawataamini lakini ukweli uko kwenye
matendo yanayotokea kwa sasa, hata mimi nilikuwa nayapuuza kwa “Ndoto na Maono” tangu mwaka 1956 kwa
sasa nimeamua kuwapa historia ya maisha yangu na masuala ninayo yafanya kwa sasa.
Baba mzazi wangu ni Kimvelye Mpandachombo
Magova alifariki mwaka 1990 na Mama yangu ni Gislamali Zumba Selubava alifariki
mwaka 2000, mimi nilizaliwa “Kitongoji
cha Ngela, Kijiji cha Lyasa, Kata ya Image, Tarafa ya Mazombe, Wilaya ya Kilolo
Mkoa wa Iringa”.Nilizaliwa tarehe 27/07/1952, baada ya kuzaliwa nilipewa
jina la utoto “Mandili”.
Tarehe 24/06/1953 nilibatizwa kwenye dhehebu
la RC katika Parokia ya Mwaya Ilula, Kilolo Iringa na kupewa jina la Albert (Alberto). Mambo yaliyonipata tangu Mwaka 1956 hadi
mwaka 2011 ambayo nayakumbuka kipindi nikiwa mdogo hadi sasa.
Ninavyoandika juu maisha yangu ya ndoto na
maono, yalitokea na yanaendelea kutokea.
Mwaka
1956 tukiwa tunaishi Kitongoji cha Ngela saa 12:00 jioni mama alitenga chungu
chenye maji kwa ajili ya kusonga ugali, mimi nilikaa nyuma ya wenzangu watatu,
Chungu kilitenguka na maji moto yalimwagika na yaliniunguza mimi mguu wa kulia,
mpaka leo nina alama ya kuchomwa. Lakini wenzangu wote watatu maji hayo
hayakuwaunguza.
Mwaka 1956 nakumbuka
ilikuwa saa 1:30 usiku nilisikia “Njiwa
wa kufugwa” wanarukaruka na kupiga kelele kwa mama mdogo “Habiba Temapakwe Figowole” nilipokwenda kuangalia nilikumta anajitundika
kwa kamba, akiwa amesimama kwenye kinu cha kutwangia mahindi, mimi nilikwenda
mbio kumwambia baba yangu, baba alikwenda mbio na kukata kamba kwa kisu
akanusurika kufa. Baba kesho yake alimrudisha
kwao.
Mwezi wa tatu, Mwaka 1957 Marehemu
kaka yangu Daniel K. Magova alikuwa anasoma Elimu ya awali, baada ya kurudi
toka masomoni, mama alimwambia achukue jembe kwenda kupalilia Mahindi, wakati
wa kupalilia alinikata na jembe kichwani upande wa kushoto mpaka sasa alama
ipo.
Mwaka 1958 tulihama toka Kitongoji
cha Ngela na kuhamia Kitongoji cha Sasagila, Kijiji cha Lyasa, Kata ya Image,
Tarafa ya Mazombe Iringa Vijijini, kwa sasa Wilaya ya Kilolo. Mwaka 1959 niliota ndoto walikuja watu watatu
waliniambia kuwa “sisi ni Malaika wa
Mungu” kati ya Malaika saba wala usiogope tutakuja tena, nilipoamka sikuona
kitu ila niliogopa sana.
Mwaka 1960
niliota ndoto nilibebwa, na watu watatu nakunipeleka kwenye mawingu juu ya Anga,
mimi niliogopa sana, waliniambia sisi ni Malaika watatu tumetumwa tukuonyeshe
huku Angani, nilipoamka sikuona kitu, kwa kweli niliogopa sana.
Mwaka 1962 nilianza kusoma Darasa la kwanza
Shule ya Msingi ya Lyasa, Kata ya Image, Tarafa ya Mazombe, Wilaya ya Kilolo
Iringa Mwaka “1963 na 1964” sikusoma
kwa sababu niliumwa na Nyoka na kulazwa Hospitali Iringa Mjini miezi minane, nakumbuka
Daktari alikuwa Mjerumani aliyekuwa ananitibu.
Daktari aliwambia Manesi kuwa
kesho huyu mgonjwa hakuna kula kitu chochote atakwenda “Fyeta”. Usiku walikuja
Malaika watatu wakaniambia hakuna kwenda “Fyeta”, watakukata Mguu. Asubuhi Baba na Mama walikuja kuniona na
kunionea huruma kwa sababu nilikonda sana.
Manesi walikuja kunichukua
kwenda”Fyeta” mimi nilikataa na kusema heri nife na miguu yangu yote kuliko
kukatwa mguu wangu, nilishikilia kitanda kwa mikono yangu yote miwili. Nesi alikwenda kumwambia Daktari, alipokuja
aliniangalia na kutikisa kichwa aliwaambia Manesi mwacheni, Daktari aliondoka
akiwa anatikisa kichwa.
Mama alilia machozi nakusema mwanangu unateseka sana,
tena umeknda sana. Kesho yake Manesi
walikuja na kusimama na kusema huyu kafa, mbona leo halalamiki.
Walipofunua
shuka waliona”usaa” mwingi mweusi kama mkaa. Walimwita Daktari, alimwambia
mchukueni mkamukamue usaa. Uvimbe ulipasuka vidonda vitatu waliniminya “Usaa”
na kuingiza gozi ya kitambaa chenye urefu wa mita moja kikiwa na dawa, kwa
kuigiza kwenye kidonda na kutoa kila siku kwa muda wa wiki tano.
Mwili wangu
ngozi ilichubuka mwili wote kama vyoka.
Nilipewa ruhusa kwenda nyumbani nilitumia mkongojo alionipa na mtu aliyekatwa
mguu, nilimwacha hospitali. Baba alisema
wewe kusoma shule basi usisome, mimi baba yangu sikujibu kitu.
Usiku walikuja malaika watatu walisema wewe shule
soma, huu mguuu utapona, kwa kweli ndoto zangu zilinisumbua sana, kwa sababu
niliwaona watu watatu wako mbele yangu, mimi nikiwa nimekaa nyuma yao wote
walitazama mbele, niliwauliza ninyi ni malaika gani, walisema tekeleza
tunachokwambia, sisi hutumwa kwako na Roho wa Mungu, nilipoamka nilitetemeka
sana kwani sikuwaona watu.
Mwaka 1965
nilianza tena darasa la kwanza, baadae mguu ulinyoka na kutembea vizuri mpaka sasa
ila kuna alama za makovu matatu kwenye mguu wa kulia.
Mwaka 1967 nakumbuka Baba aliniambia niende
kuchunga Ng’ombe siku ya Jumamosi, nilikwenda mita 100, mimi nilikapotea nikawa
kwenye msitu mnene sana niliwaona Tembo,
Fisi, Simba na Nyani.
Mvua ilinyesha sana tangu saa 3:00 asubuhi hadi saa 10:00
jioni mimi nilipanda Mlima wa “Msasamu” ili
niangalie nyumbani ni wapi, hadi nyumbani ni kilomita saba.
Nilikunywa maji yaliyotwama kwenye jiwe kama “Mtungi” ndipo nilipozinduka na kujua
uelekeo wa nyumbani. Nilifika nyumbani
saa tano usiku, niliwakuta watu wamekusanyika wakidhani nimekufa kwa sababu
Ng’ombe wote walirudi nyumbani.
Nilipolala usiku walikuja Malaika watatu na kuniambia kuwa “Mungu” anakuandaa kwa kazi maalumu
usiogope kwa matukio yanayotokea mara kwa mara.
Asubuhi niliwambia wazazi wangu kuwa, kuna watu huwa wananijia usiku,
lakini nikiamka huwa siwaoni ila wao hujiita “ Malaika” wazazi wangu
waliniambia kuwa hiyo ni “Misoka au
mitu”, mimi sikuwaelewa walikuwa na maana ganikwa maneno hayo.
Mwaka 1968 Malaika watatu waliniambia mwezi
wa nane kwenye kichuguu chini ya mti aina ya (Mkalala), ndani ya kichuguu kuna “maji” nilipoamka, mama alikuwa
anakoboa mahindi kwenye kinu, nilimwambia “mama”,
nimeota ndoto kwenye kichuguu chini ya mti kuna maji, mama alichukua kajembe
kadogo, alisema twende ukanionyeshe hayo maji.
Mama nilimwonyesha kichuguu cha mchwa, alichimba na jembe moja tu, maji
yalitililika meusi sana, mama aliniambia kuwa, haya maji uliyaweka mwenyewe,
mwezi wa nane maji yatatoka wapi, wakati hakuna mvua, mimi nilimwambia niliota
kwa kuambiwa na watu watatu ambao walijiita Malaika. Baba alisema kuwa, huyu mtoto
hufanya maajabu mengi sio kama wenzake.
Mwaka 1969 Malaika watatu waliniambia kuwa, mwambie Baba yako asiende
shambani kuna Tembo, asubuhi Baba nilimwambia juu ya ndoto zangu, Baba alicheka
na kumwambia mama, mama alisema huyu humfahamu, akisema kitu hutokea, kwa hiyo
usiende. Baba alisema ni ndoto tu si
kweli, Baba alikwenda shambani “Mkolomi” alikuta Tembo wanakula mazao (Mahindi
na Ulezi), wako kwenye miti mikubwa kwa ajili ya kivuli.
Baba baada ya kurudi nyumbani alimwambia mama
nimewakuta Tembo wengi shambani. Mama alisema huyu mtoto namwogopa sijui yukoje,
akiota kitu ni kweli hutokea. Mwaka 1970
niliota ndoto mama mkubwa kafiwa na kijana wake Gwerino Temapakwe Figawele.
Baba
na Mama walikwenda kulima, wakati wa kwenda shuleni nilikwenda shambani na
kuwaambia kuwa, nimeota ndoto mtoto wa mama mkubwa kafa, mama aliniuliza nani
kakwambia, nilimjibu nimeota ndoto, kabla sijaondoka kaka alikuja kutoa habari
za msiba, mama alimwuliza huyu mdogo wako ulimwambia, kaka alimjibu hapana.
Baba na mama waliacha kulima, mimi nilikwenda shuleni kuomba ruksa ili
kwenda kwenye msiba.
Mim nilimaliza masomo
ya msingi tarehe 27/09/1971 Shule ya Lyasa, Januari, 1971 alipopinduliwa Milton
Obote Rais wa Uganda nilisikitika sana baada ya kusikia kuwa, Rais Milton Obote
kapinduliwa na Iddi Amin Adada, wakati Rais Milton Obote alipokwenda Singapore
kwenye mkutano wa kimataifa.
Usiku niliota ndoto kuwa, nenda kajiandikishe
kwenda JWTZ baada ya kumaliza Shule ya Msingi Lyasa, 05/10/1971 nilikwenda
Iringa Mjini Tawi la Myomboni nilijiandikisha na kuchaguliwa kwenda “TMA
(Tanzania Military Academey), Mgulani Dar es Salaam na kuanza mafunzo ya awali
ya JWTZ.
Tarehe 10/11/1971 niliajiriwa
na JWTZ Makao Makuu Upanga Dar es Salaam, Mkuu wa majeshi alikuwa General MSH
Sarakikya na COS Col. John Bukuku nilimaliza mafunzo ya awali mwezi Mei, 1972,
na kupelekwa kwenye Kikosi cha 13KJ cha kwanza cha Mizinga Tabora Tanzania.
Mwaka
1973, nakumbuka nilikuwa natoka Mjini Tabora kwenda “Milambo Baracks” tulikutana na mzee mmoja kwenye makutano ya Reli ya
kutoka Kigoma na barabara ya “Mwanza
Road” kwenda kambi ya Milambo karibu na mwembe kulia nilimwona mzee
nilimsalimia na kuitikia, alikwenda kama mita 10, alisimama na kuniita we kijana
simama, mimi nilisimama.
Baada ya kusimama alikuja na aliniambia kuwa, “Wewe
kijana unabahati sana, utafanya mambo mengi ya Tanzania na Mataifa”, nilimjibu
kwa woga kuwa nimekusikia, alisema nenda.
Mimi nilijiuliza sana yule Mzee simjui na kwa nini alisema vile,
niliendelea na safari yangu ya kwenda kambini Milambo.
Mwaka 1972/1973
tulifundishwa na Wachina masomo ya mizinga Tabora, na kumalizia masomo kwa
vitendo “Monduli Arusha na kurudi tena Tabora nilipanda cheo toka Private kuwa
L/CPL. Nilifanya kozi ya Daraja la tatu la Mizinga. Mwaka 1973 tulishiriki
kwenye ulinzi Manyovu Kigoma mpakani kati ya Burundi na Tanzania.
Burundi walipigana vita vya “Ukabila” (Wahutu na Watusi) mwaka 1972
wakati wa utawala wa “Raisi Meja
Michombero” wakimbizi 150,000 toka Burundi, walipoingia Kigoma walifanya
uhalifu na kuuwa wenyeji wa Kigoma.
Mwaka 1974 nilikwenda na wenzangu kwenye ulinzi wa mpaka wa Mtukula kati
ya Tanzania na Uganda kwa sababu ya vurugu za Idd Amin Dada wa Uganda. Pia
nilipanda Cheo toka L/CPL kuwa CPL pamoja na kufanya Kozi ya Daraja la pili la
Mizinga. Mwezi wa tisa 1974 hadi Juni 1975, mimi niliteuliwa kuwa mkufunzi wa
Mizinga.
Msumbiji ilipata uhuru 1975 mimi na wenzangu tulijishughulisha na
masuala ya ukombozi kwa Msumbiji dhidi ya utawala haramu wa Makaburu (Wareno).
Mwaka 1975 nilifanya kozi ya uongozi mdogo wa mizinga Tabora na kumalizia kozi
Kititimo Mkoa wa Singida. Siku moja usiku niliota ndoto, Malaika watatu
waliniambia kuwa, utasafiri kwa Ndege utakutana na watu wengi wakisema na
kuimba nyimbo kwa lugha usioifahamu.
Mwezi June 1976 nilipanda cheo toka CPL na kuwa SGT pia niliteuliwa na
Makao Makuu ya Jeshi kwenda kufundisha wapigania Uhuru wa (ZIPA) Zimbabwe
walikuwa watu 5,000. Tulisafiri kwa Ndege ya JWTZ toka Tabora hadi Nachingwea
Mkoa wa Lindi, ndege iliendeshwa na Rubani Captain Yakanda mimi nilikumbuka ndoto
ya mwaka 1975 kuwa ni ya kweli.
Mimi na
wenzangu tukiwa “Farm 17 Nachingwa”
tuligawana wapigania Uhuru wa Zimbabwe waliongozwa na viongozi wakuu wao Ndugu
Joshua Nkomo, Robert Mugale na Alex Nongo pamoja na makamanda wengine wapigania
uhuru.
Mimi na Makamanda wengine tulikwenda na baadhi ya wapigania Uhuru
kufanyia mafunzo “Farm 2 Ntila” Nachingwa karibu na Bwawa la Maji. Nawakumbuka
baadhi ya makamanda ambao tulikuwa nao
“Farm 17 na farm 2 Nachingwea ni CoI Sama Mkuu wa Chuo , Lt. col Albai,
Capt. Kiswaga, Capt, Palanjo, Capt Magori, Capt Mwakisunga, Capt Shimanyi Capt
Lusilie, Lt Lumbila, Lt. Lihapa, Sgt Mtungi, Lt Njikanyika, Sgt Makungu na Makamanda
wengine zaidi ya 100.
Tulifanya kazi mchana na usiku kwa kujitolea. Mwaka 1977
niliota ndoto nikiwa na watu watatu ambao walijiita Malaika, waliniambia
waambie wakuu wako hawa, wapigania Uhuru wamepanga kuwaua wote wakufunzi.
Asubuhi
sikusita ilibidi niwaambie Makamanda wangu kuwa, hawa wapigania Uhuru wana
mpango wa kutuuwa wote. Makamanda walifanya uchunguzi na kubaini kuwa ni kweli,
kuna baadhi ya viongozi wao ni “Mamluki”
wa Simith wa Zimbabwe.
Ndipo
walipotolewa wote kwa kuambiwa wanakwenda kozi “Cuba, Urusi na China” walifurahi sana walipofika Dar es Salaam
wote walikuwa chini ya ulinzi Dar es Salaam.
“Farm 17 na Farm 2 Nachingwea” waliteuliwa
makamanda wengine miongoni mwao.Hata hivyo walikiri kuwa. Makamanda wao walipanga
kuwauwa wote na kuchukua silaha zote, na kurudi Zimbabwe.
Baada ya Makamanda
wapya kuteuliwa, mafunzo yaliendelea vizuri sana na wapigania Uhuru walikuwa na
morali sana kuliko awali. Mimi Mberito
K. Magova nilitafuta mpigania Uhuru mmoja Ndugu “Pandeli Nehondo” kunifundisha Kishona ili kupata habari wakati wa
kipindi cha “Moral time” usiku.
Kitendo cha kukesha nao usiku hadi saa saba
usiku, waliniita “Comrade Harassman” kwa
sababu ya kuwafundisha masomo ya ukakamavu na kwata. Mwezi Machi, 1978
niliteuliwa kwenda kozi ya uongozi mkubwa TAM (Tanzania Military Academy) Mgulani (Chuo cha Abdallah Twalipo) Dar es Salaam. Kozi kwa vitendo nilimalizia
Mkumbo Morogoro mwezi wa 8/1978. Baada ya kozi niliomba likizo mwezi mmoja wa
kumi (10) kwenda Iringa. Tarehe 01/10/1978 nilioa “Bi Emmanuela William Magohagasenga” wa Kihodombi Iringa.
Ndoa
nilifungia Kanisa la Consolata Mshindo Iringa. Katika ndoa yetu tuna watoto
wane. (William M. Magova, Andason M.
Magovaa, Happy M. Magova na Moses M. Magova) Tarehe 11/10/1978 Nduli Idd
Amin alivamia Tanzania eneo la Kyaka na Kitengule kwa kupiga Mabomu kwa Ndege
za Kivita. Tarehe 21/10/1978 alivamia eneo la Kagera na kuliteka kuwa, ni eneo
la Uganda.
Mimi niliondoka toka Lyasa, Image hadi Iringa na kwenda vitani tarehe
25/10/1978 hadi Tabora. Niliondoka Tabora tarehe 27/10/1978 kwenda vitani kwa
kupitia Shinyanga kwa Ndege ya JWTZ.
Toka Shinyanga kwa Gari aina ya Landrover la JWTZ hadi Biharamulo Kagera,
nilimkuta Waziri Mkuu Edward Moringe Sokoine alinikabidhi Landrover mpya 30
toka Cooper Motors Dar es Salaam, toka Biharamulo hadi Katoro Bukoba na
kupokelewa na Makamanda wangu Capt. Joseph Mongi na Lt. Pindingu (alikufa vitani). Mimi nilikuwa Brigedi
ya 208 KV.
Iliyopita mtukula iliongozwa na Hayati Brig Mwita Marwa toka Mtukula
hadi Kitgum Uganda mpakani na Sudan. Vita
tulipigana toka Katoro, Kyaka, Bunanzi, Igayanza (Igayanza sehemu ya maandalizi ya vita). Brigedi ya 207KV iliongozwa na Brigedia John
Walden upande wa Ziwa Victoria. Brigedi
ya 206KV iliongozwa na Brigedia Silasi Mayunga kupitia Kakunyu kuelekea Mbarara
Uganda. Mapambano yalianza rasmi sa
10:00 alfajiri tarehe 22/01/1979 kwa kukomboa ‘Mtukula”. Brigedi ya 208 KV iliyoongozwa na Brigedia Mwita Marwa.
Mapambano
ndani ya Uganda, vita vilianzia Kakuto, Sanje, Kiotela Kalisiso Masaka, Lukaya,
Mityana maria Mpigi, Nakauka, Entebbe, Kampala, Jinja, Iganga, Tororo, Mbale,
Kapchorwa, Busia, Moroto, Kaabong, Soroti, Lira, Gulu, Nimule hadi Kitgum
Mpakani mwa Uganda na Sudan na kurudi tena Soroti.
Vita viliisha 06/06/1979 na kurudi Tanzania
Tarehe 25/07/1979 tulipokelewa Bunanzi Kyaka Bukoba na “Hayati Mwalimu Julius
Kambarage Nyerere” (Baba wa Taifa) Godfrey Binaisa alikuwa Rais wa Uganda baada
ya Prof. Yusuph Lule, alitawala hadi Mwezi June 1979. Mimi nilipandishwa cheo
toka Sgt. na kuwa 2Lt (2Lieutenant). Mwezi
Januri, 1981 tulihamishwa na wenzangu kwenda kuanzisha kikosi cha Mizinga
(Artillery) Kiabakari Musomo Mara.
Mwezi Julai 1982 nilipanda cheo toka 2Lt
kuwa Luteni. Mwaka 1983 nilikwenda kozi
ya mizinga Chuo cha Mizinga (SOFA “School of Artillery”) Monduli Arusha kwa
Masomo ya Uongozi wa mizinga Tanzania.
Mwaka 1984 nilijiunga na Sekondari ya Kiabari JWTZ. Mwaka 1985
nilipelekwa na Makao Makuu ya Jeshi kwenye mafunzo ya Ukada Chuo cha CCM
Murutunguru Ukerewe Mwanza kusomea “Itikadi, Uchumi, Siasa, Uongozi, utawala na
menejimenti (Urasimu)”.
MASOMO YA KUJIENDELEZA KWA
KUJISOMESHA MWENYEWE.
1.
Mwaka 1972 nilisoma kwa njia ya Posta
toka ICS (International Correspondence School) toka Kenya Masoma
ya Kiingereza, Hesabu, History, Siasa na Jiografia.
2.
Mwaka 1983 hadi tarehe 03/07/1985
nilisoma kwa njia ya Posta toka Taasisi ya watu Wazima (Institute of Adult Education) somo la Siasa hadi hatua ya tatu ni
sawa na Kidato cha sita (“A”Level).
MASOMO
YA TAALUMA YA KIJESHI (ARTILLERY) UHAMISHO.
1.
Mwaka 1986 nilisomea masomo ya RSO (Regimental Surveyor Officer) na FOO (Fighters Observation Officer) Chuo cha
CTU Monduli Arusha kwa ajili ya mipango ya Kivita (Military Carrier Plan).
2.
Juni Mwaka 1986 nilihamishwa toka
Kiabakari Musoma kwenda Kikosi cha 179KJ Kunduchi Dar es Salaam kuwa PEO (Political Education Officer) wa
Kikosi .
3.
Julai, 1987 niliteuliwa na Makao Makuu
ya Jeshi (MMJ) kwenda kusoma elimu
ya juu ya “Ukamanda na Uuongozi”
“Command and Staff” (Higher Military
Matters Education) na elimu ya juu “Sayansi
ya Jamii” (Social Science). Chuo cha
“V.I Lenin Academy Mascow Urusi” kwamuda
wa miaka minne (4).
Nilihitimu masomo 29, “masomo ya Sayansi
ya jamii 15 na masomo ya kijeshi 14”
MASOMO YA ELIMU YA JUU YA KIJESHI.
Masomo
ya “Sayansi ya Jamii” nilisomea mwenendo wa siasa ndani ya jamii” (Political Actual Movements in the
Societies) na masomo ya Kijeshi nilisomea “Elimu ya juu ya Kijeshi kwa
ujumla” Command and staff (Higher
Military Education and Carrier Plan).
Mwaka
1992 baada ya kurudi masomoni toka Moscow Urusi, Makao Makuu ya JWTZ
walinipeleka Makao Makuu ya Ulinzi wa Anga Mbwezi Dar es Salaam, kwa sababu
nilisomea masomo ya “Mizinga, Mabomu,
Rada na Maroketi ya kutungua ndege” pamoja na masomo mengine ya kijeshi. Nikiwa ADC HQ nilitembelea vikosi vya “Masaki, Mbagala, Gongolamboto, Mgulani na Lugalo” kwa Dar es Salaam.
Nilitoa ushauri juu ya utunzaji wa zana na
vifaa vya kijeshi kuwa sio mzuri kwa kulingana nilivyosomea. Uongozi wa juu
haukukubaliana na ushauri wangu Makamanda wengine, walisema unajifanya umesoma
mimi nilichukia sana.
Mimi niliamua kuacha
Jeshi mwaka 1992 kwa usalama wangu, nilipokubaliwa kuacha kazi ya JWTZ
Julay 1992. Niliandika malalamiko kwa
kupunjwa malipo tuliyojilipia wakati wa masomo kwa vitendo toka Moscow kwenda
Dar es Salaam na kurudi. Pia malalamiko
kwa kutotendewa haki kwa kulingana na sheria za Kijeshi ukisoma “Command and Staff” elimu ya juu ya
Jeshi utapandishwa cheo.
Mchakato wa
kesi ulipitia Makao Makuu ya Jeshi (MMJ), Wizara ya Ulinzi, Ikulu na Tume ya
haki za Binadamu na Utawala bora. Kesi
ilianza mwaka 1992 hadi kwisha tarehe 05/01/2006 nilishinda.
Makao Makuu
walikubali kunilipa TShs. 388,000/= mimi niliwambia MMJ wanilipe kwa kiwango (Rates)
cha sasa na gharama za usumbufu mpaka siku ya kulipwa haki yangu. Pia kwa nini
hawakunipandisha cheo kwa kusomea
“Brigedia hadi Army” kwa kozi ya Suprerio Commoner” (Kamando Mkuu).
KUGOMBEA UBUNGE JIMBO LA KILOLO
IRINGA MWAKA 1995.
Mwaka
1995 niligombea Ubunge Jimbo la Kilolo Iringa tulikuwa wagombea 15, Mbunge wa
zamani Mhe: Stephen Mwaduma aliongoza na aliteuliwa kugombea. Mimi Kamati ya siasa ya Wilaya Iringa
vijijini iliniteua kuwa “Kampeni Meneja” wa Mhe: Stephen Mwaduma alishinda
dhidi ya vyama vingine vya siasa na kuwa Mbunge wa Jimbo la Kilolo.
NDOTO TATANISHI KWA KUKUMBUSHWA
NDOTO YA MWAKA 1968 YA MAJI KWENYE KICHUGU CHA MUCHWA.
Mwaka
1995 nilitoa ndoto walikuja Malaika watatu nikiwa nyumbani Lyasa Image Iringa
kuwa, nikachimbe karibu na mti aina ya “Mtowo” pana jiwe la mviringo (Nununilo) kuna maji, hayo maji nijaze
kwenye chupa ya Lita moja na nusu na kufunika, nisiyaache kama maji niliyoota
mwaka 1968 maji hayo yakiisha kutakuwa hakuna “Amani na Utulivu Duniani”. Maji yale niliyatunza na yalikwisha
kwenye chupa bila kumwagika mwezi wa tisa (9) mwaka
2010.
Lakini niliambiwa endelea kutoa
ushauri juu ya Amani na Utilivu Ulimwenguni wakikataa acha. Ila iko siku
tutakuja Malaika saba tutakwambia la kufanya Ulimwenguni. Nilitunza siri hakuna
niliyemwambia sasa nasema kwa sababu wamenijia katika ndoto tarehe 22/05/2011
na kuniambia nifunge tangu tarehe 23/05/2011 hadi tarehe 24/06/2011 tutakuja
tena kukwambia la kufanya Ulimwenguni.
Wako viongozi wameanza kuhangaika juu
yako. “Nasubiri maagizo ya Malaika
saba (7)” kwa kweli naogopa kwa sababu yote niliyoota yametokea, lakini
nilitoa ushauri kwa maandishi.
Kwa sasa
nimeamua kuwaambia Watanzania na Ulimwengu kwa ujumla juu ya “Amani, Utulivu, Ulinzi na Usalama”.
Watawala, Viongozi na Watendaji wa Serikali, Vyama vya Siasa Matajiri na
Madhehebu ya Dini wajali maisha ya wanyonge sio kuuwana na kuwabaka wanawake,
Mwenyezi Mungu anachukia. Watu watapigana kwa itikadi za “Siasa, Dini, Ukabila, Ubabe,
Udikteta na Ubaguzi wa rangi” watawala watauwawa na kupinduliwa, amani
itakuwa hakuna kabisa.
MWAKA 1996 HADI MWAKA 1998
NILIFUNDISHA KIBAHA SEKONDARI.
Mwaka
1996 hadi Mwaka 1998 nilifundisha Shule ya Sekondari Kibaha, Shirika la Elimu
Wilaya ya Kibaha Mkoa wa Pwani. Masomo
ya Uraia, Geografia na Historia (Civics
or Socialogy, Geography and History). Niliacha kufundisha baada ya kubaini mitaala
kuwa na makosa hasa Uraia na Historia
(Civics and History).
NDOTO JUU YA KIFO CHA MWALIMU JK.
NYERERE.
Tarehe
13/10/1999 Niliota Mwalimu JK. Nyerere alikuja akisindikizwa na Malaika watatu
niliambiwa ni sisi Malaika watatu, tumeletwa na Roho Mtakatifu, kwa kumleta
Nyerere kwako. Nyerere alikuwa na shuka
nyeupe yenye ufito wa bluu na mto una madoa ya bluu na meupe.
Aliniambia kuwa, mimi nakufa endelea kushauri
juu ya “Amani, Utulivu, Ulinzi na
Usalama”. Mimi nilitaka kumpa mkono Mwalimu JK.Nyerere. Malaika walisema
acha hiyo ni ”Dahari”. Baada ya kuamka mimi nilitetemeka sana na
sikuamini kama ni kweli. Tarehe
14/10/1999 saa 7:00 mchana nilisikia kwenye Redio na TV kuwa Mwalimu J.K.
Nyerere amefariki Uingereza, katika Hospitali ya Mtakatifu Thomas.
UKAMUA KUMUENZI HAYATI JK. NYERERE (BABA WA TAIFA)
Kwa
kutokana na ndoto ya Tarehe 13/10/1999 ambayo Hayati Mwalimu J. K. Nyerere (Baba wa Taifa) aliletwa kwangu na
Malaika watatu aliniagiza kuwa, niendelee kutoa ushauri juu ya “Amani Utulivu Ulinzi na Usalama”
niliamua kuanza kumuenzi kwa kutembea kwa miguu toka Mailimoja Kibaha Pwani
hadi Mtuwa Ilula Iringa.
Mchakato
wa kutembea kwa miguu ulianza baada ya kupewa kibali na mkuu wa Wilaya Mhe; Hawa Ngulume Tarehe 06/05/2000
saa 04:00 Asubuhi mimi Mberito Kimvelye Magova (Mbekima) niliamua kumuenzi Mwalimu
J. K. Nyerere “Baba wa Taifa” Ambaye kwa sasa ni Hayati, baada ya kuandikiwa barua ya tarehe 05/05/2000 Kumbu. Na.KBH/1.20/14/61, ambayo
nilipewa na Mhe: Hawa Ngulule Mkuu wa Wilaya ya Kibaha baada ya kunihoji sana
na “Kamati ya Ulinzi na Usalama”. Niliwahakikishia kuwa mimi nina akili timamu
juu ya kumuenzi Hayati Mwalimu J. K. Nyerere (Baba wa Taifa).
Niliwaambia kuwa
katika utawala wake kwa masuala mbalimbali aliyofanya katika utawala wake.
Alikemea “Rushwa, Udini, Ukabila,
Dhuluma, Uongo, wizi na Viongozi
wazembe” wasiofuata “Maadili na Maudhui” ya
kutofuata katiba na sheria za nchi.
Nilianza
safari ya kumuenzi Hayati Mwalimu J. K. Nyerere nikiwa pekee yangu.
Nilisindikizwa kidogo na Mkuu wa Wilaya Kibaha Mhe: Hawa Ngulume, Katibu wa
Wilaya Kibaha Ndugu Hayati Sofia Uluvi, M/Kiti
wa CCM Kata ya Mailimoja Ndugu Mzee Mrisho na Wana CCM Kumi (10) kwa kilometa
moja tu.
Katika
kumuenzi Hayati Mwalimu J. K. Nyerere (Baba wa Taifa) nilitoka Kibaha Pwani
hadi Iringa kwa kutembea kilomita 378 kwa siku 14 na kupumzika siku tatu (3),
jumla ni siku kumi na saba.
Vituo nilivyopita ni kama
vifuatavyo:-
·
Tarehe 06/05/2000 nilitoka Mailimoja
Kibaha saa 04:00
Asubuhi nilifika “Vigwaza” saa 12:00
jioni na kulala nyumba ya kulala Wageni ya “Mponda
“ kwa kulipa Tshs. 1,500/=.
·
Tarehe
07/05/2000 niliondoka Vigwaza saa 12:00 Asubuhi nilifika Chalinze saa 1:00
usiku na kulala nyumba ya wageni ya “Furaha”
kwa kulipa Tshs. 1,200/=.
·
Tarehe
08/05/2000 niliondoka Chalinze saa 03:30 asubuhi nilifika Bwawani Magereza saa
11:30 jioni na kulala nyumba ya wageni kwa kulipiwa na Afisa Mtendaji wa Kijiji cha Bwawani.
·
Tarehe
09/05/2000 niliondoka Bwawani saa 02:30 asubuhi, nilifika Morogoro Mjini saa
11:00 jioni, nililala nyumba ya wageni ya ndugu “Ramadhani Hamis” nililipa Tshs.
2,000/=.
·
Tarehe
10/05/2000 nilikwenda saa 02:00 asubuhi kwenye Ofisi za RTD (TBC) na kuongea na watangazaji, Ndugu Sarah Dumba na Monica
Lyampawe nilitoa Barua ya utambulisho toka kwa Mkuu wa Wilaya Kibaha Mhe: Hawa Ngulume.
·
Morogoro
pia nilikwenda TV ya Abood na
kuhojiwa na Ndugu John Ndumbaro, Hamis Mkumba, Bujaga Izengo Kadago, Devota
Minja na Salumu Mkambala.
·
Morogoro
nilipumzika siku tatu tangu Tarehe 10/05/2000 hadi Tarehe 13/05/2000 kwa ajili
ya kujitibu, michubuko kwenye miguu kwa kutumia Dawa za asili nilizokuwa nazo kwa kujitibu, Dawa za asili kwa magonjwa
mbalimbali nilianza kuzitumia na kufanya atafiti tangu 1992 hadi sasa 2011
natumia dawa asili kwa magonjwa mbalimbali.
·
Tarehe
13/05/2000 niliondoka saa 02:00 asubuhi na kulala Melela kwa Katibu wa CCM Tawi Melela nilifika saa
11:00 jioni.
·
Tarehe
14/05/2000 niliondoka Malela saa 02:00 asubuhi na kufika Doma saa 10:00 jioni. Maafisa
wa Mbuga za wanyama waliniambia Mbuga ya Mikumi kuna Wanyama hawaruhusu watu
kutembea kwa miguu. Walinisafirisha kwa Gari hadi Mikumi na kulala nyumba ya
wageni, jina Gesti halikuandikwa.
·
Tarehe
15/05/2000 nilitoka Mikumi saa 02:00 asubuhi na kufika saa 12:00 jioni Daraja
mbili “Iyovu”. Na kulala nyumba ya “Mabati” (full suit) ya Idara ya maji, Iyovu.
·
Tarehe
16/05/2000 nilitoka Iyovu saa 01:00 Asubuhi na kufika Mtandika (Ruaha Mbuyuni)
saa 01:00 usiku na kulala kwa Chilwa
Selubava, nyumba ya kulala Wageni.
·
Tarehe
17/05/2000 nilitoka Mtandika saa 02:00 asubuhi na kufika Mahenge saa 12:00
jioni na kulala kwa Ndugu Mbugi.
·
Tarehe
18/05/2000 toka Mahenge hadi Ilula Mtuwa nililala kwenye Nyumba ya kulala
Wageni ya Ndugu Johannes Muhanga.
·
Tarehe
20/05/2000 nilikwenda kuripoti kwa Viongozi wa “Serikali, Kamati ya Ulinzi
na Usalama”, Iringa Vijijini (kwa
sasa Wilaya ya Kilolo). Nilionana
na Mkuu wa Wilaya Ndugu Goloi, Mkuu wa
Usalama wa Taifa na Mkuu wa Polisi
Wilaya. Niliwaambia kuwa mimi ni mzima. Niliwaambia lakini lazima Nyerere
tumuenzi hasa kwa masuala ya “Upendo,
Umoja, Mshikumano, uelewano, Amani, Utulivu, Ulinzi na Usalama” kwa gharama
zozote zile.
·
Tarehe
21/05/2000 niliondoka kwenda nyumbani Image Kijiji cha Lyasa kwa mapumziko
mafupi.
·
Tarehe
27/05/2000 niliongea na baadhi ya viongozi Ilula Mtuwa juu ya umuhimu wa
kudumisha masuala ya “Amani, Utulivu, Ulinzi na Usalama katika Taifa letu.
Hata
hivyo kuwe na dhana endelevu ya kumenzi Hayati Mwalimu J. K. Nyerere (Baba wa
Taifa). Kwani alitafuta Uhuru bila kumwaga damu. Hata hivyo katika Utawala wake
kuna baadhi ya viongozi na Watendaji wa Chama na Serikali walifanya mazoezi ya
kutaka kumpindua. Mazoezi hayo yalishindwa mara tatu. Mimi binafsi nitaendelea kumuenzi kwa yote
aliyoyafanya Hayati JK. Nyerere (Baba wa Taifa) kwa Tanzania. Afrika
na Ulimwengu kwa ujumla.
Watu wote waliofanya Uhaini dhidi ya Utawala wake
hakuwauwa aliwaweka kizuizini na wengine walikimbilia Uingereza na walifia huko kwa uzee. Wakati Mwalimu J. K.
Nyerere alipokuwa anang’atuka mwaka 1985 aliwatoa kizuizini. Sitaki kuwataja majina kwa sababu kutakuwa na
“dhana fikirika’ kati ya “Ukoo wa
hayati Mwalimu J. K. Nyerere na Koo za waliwekwa kizuizini.
·
Tarehe
26/27/01/2001 katika maisha yangu sitasahau baadhi ya vyama vya Siasa
vilivyochochea Wananchi Zanzibar. Wananchi kupambana na vyombo vya Dola na
kusababisha zaidi ya watu 47 kufa na wengine kukimbia toka Zanzibar kwa sababu
ya itikadi ya vyama vya Siasa.
Kitendo
hicho mimi kiliniuma sana. Katika uzoefu wangu wa Siasa bado nasema hakuna “Ubia wa Siasa Kutawala Serikali moja”. Kwani hata “Wahenga walisema tangu lini ”Paka na Panya” hukaa meza moja
kujadili “amani na utulivu”.
Hiyo ni
“Dhana ya kufikirika chanya na hasi”. Nchi zote zenye utawala wa Ubia wa itikadi za
“Siasa na Dini” amani si sawia ndani ya janii ni “kufa, kukimbia, vurungu, migomo, migogoro, Malumbano, Wanawake kubakwa
na Maandamano” ya kutaka haki, neema na utajiri bila kuwajali Wanyonge.
·
Tarehe
13/04/2001 na 19/04/2001 niliwahi kumuandikia Waziri wa Mambo ya nje wa
Tanzania kueleza hali ya “Amani,
Utulivu, Ulinzi na Usalama” , kwa nchi za DRC, Burundi, Tanzania hali ya
kisiasa sio nzuri, OAU kutoelewana, E.A.C
kuvutana juu ya tawala za nchi zinazoongozwa na Marais Mseveni Chiruba, Mugabe, Bushi, Obasanjo, Buyoya na Kagame
Nchi zao zina hali mbaya kiutawala kuanzia tarehe 03/05/2001 hadi
03/09/2001. Wananchi hawawataki, ila
wanatawaliwa kwa ubabe au udikteta.
·
Tarehe
11/09/2001 nilimwandikia Rais Benjamini William Mkapa juu “Kuvunjika Amani,
Tanzania, Afrika na Duniani”. Hakupuuza alifuatilia yote niliyomweleza yote
niliyomweleza kwa Tanzania. Tarehe
17/09/2001 alinijibu kuwa endelea kuelimisha juu ya “Amani,utulivu, ulinzi na usalama” kwa Tanzania Afrika na Dunia kwa
jumla. Mpaka sasa namshukuru sana kwa nasaha za Rais Mstaafu “Benjamini William Mkapa” kwa
kunipa “Ushupavu na Ujasiri” wa
kuongelea masuala ya “Amani Utulivu,
Ulinzi na Usalama” Tanzania Afrika na Dunia kwa ujumla.
·
Tarehe
26/09/2001 nilimwandikia barua kwa kumwambia Rais nifanye uzinduzi wa kumwenzi “Hayati Mwalimu J.K. Nyerere” tarehe
30/09/2001. Barua hiyo sikujibiwa na
zoezi nilisitisha sikufanya.
·
Tarehe
30/09/2001 niliandaa mada za uzinduzi wa Amani Duniani za kumuenzi Hayati
Mwalimu J. K. Nyerere lengo ilikuwa kwenda kumpatia ujumbe Col. Gaddaf juu ya
Amani Duniani, kwa ndoto yangu ya tarehe 13/10/1999 ya Mwalimu J. K. Nyerere
aliyeletwa na Malaika watatu kwangu na kutoa maagizo kwamba Col. Gaddaf
asimamie masuala ya “Amani na Utulivu” katika
Afrika usipopeleka ujumbe huu “machafuko
mengi Afrika na ulimwengu yatatokea makubwa” nilitaka kumpa mkono Malaika
walisema acha hii ni “Dahari” aliniaga
kuwa anakufa, ni kweli alikufa tarehe 14/10/1999. Mambo yote niliyoota kwa kuagizwa na Mwalimu
J. K. Nyerere yanatokea.
·
Tarehe
03/10/2001 Niliandika barua kwa Rais kuelezea hali ya amani katika Taifa baada
ya kufanya Ziara katika Mikoa mitatu (3) (Iringa, Morogoro na Mbeya) kwa
kufanya utafiti wa “Amani na Utamaduni” ndani
ya jamii ya watanzania kutoweka.
·
Tarehe 08/10/2001 niliandika tena
barua kwa Rais Benjamini William Mkapa kuomba ufadhili wa kumuenzi Hayati Mwalimu Julius Kambarage Nyerere (Baba wa Taifa) kwa ajili ya kwenda Libya kuonana na Col. Gaddaf,
kupeleka ujumbe wa ndoto ya tarehe 13/10/1999.
·
Tarehe 14/10/2002 niliandika Makala
juu ya Umuhimu wa “Amani” (Tanzania, Africa na Duniani) zoezi halikufanyika kwa
sababu ya ukata wa maisha iliyonayo mpaka sasa.
·
Tarehe 18/11/2001 nilimwandika Rais BW. Mkapa juu ya Kero Malalamiko
na dalili za kuvunjika amani. niliandika barua kwa Rais kueleza “Vigezo vinavyochochea vurugu, Migogoro na Kuvunja
Amani” kwa Makamanda.
KUDAI MADAI YA HAKI ZANGU KWA
KUONELEWA TANGU MWAKA 1992.
·
Ukweli wa madai yangu ni kwamba, kesi
yangu ya kudai haki ilianza 1992 na kwisha 5/01/2006 nilishinda, lakini bado MMJ kunilipa pamoja na wenzangu watatu,
ni kwa sababu ya urasimu wa baadhi ya Makamanda wa MMJ kwa kutozingatia NDA.
KUFANYA
KAZI NDANI YA CCM TANGU 2003 HADI 2012.
·
Mwezi wa Machi 2003 nilichukuliwa na
CCM na kuwa Katibu Msaidizi wa Wilaya ya Temeke na Mlezi wa Jimbo la Kigamboni
Dar es salaam kwa kufanikisha chaguzi za TAMISEMI, na uchaguzi Mkuu wa Dola
2005, CCM ilishinda 100% (kwa Wabunge,
Madiwani, Viti maalum wabunge na viti maalumu Madiwani). Vyama vya upinzani
vilishangaa kushindwa.
·
Mwenzi Mei, 2006 hadi Oktoba, 2008
nilikuwa Katibu wa CCM Wilaya ya Maswa
Shinyanga.
Tarehe 23/10/2007 Nilikata Tiketi Kituo cha Ubungo, Basi la
Zakaria Coach Limited (A.M.Coach) la
kutoka Dar es salaam kwenda Mwanza. Usiku niliota ndoto Malaika watatu walisema
hakuna kusafiri, nilipoamka asubuhi nilifikiri zile ndoto kuwa nilishazoea
kuota tangu udogo wangu, hao Malaika watatu hunijia kwa njia ya ndoto, niliota
nimeumia Mkono wa Kulia, asubuhi nilichukua Karatasi na peni ili nijaribu,
kuandika kwa Mkono wa kushoto, nilishindwa, nilisema hizi ni ndoto tu.
Asubuhi
tarehe 24/10/2007 nilisafiri kwa Basi la “Zakaria Coach Limited” (AM Coach) tulipofika Iguguno Singida Basi liligonga Lundo la
Kifusi, mimi nilisema “ewe Mwenyezi
Mungu heri kufa kuliko kuvunjika vunjika hakuna wa kuniuguza” Abiria wote
waliniangalia mimi. Basi lilipinduka magurudumu juu, niliumia Mkono wa kulia na
usoni, nilivunjika vidole vinne Karoso kidole gumba.
Hospital Singida wakati wananipa
matibabu, chumba kiligeuka na kuwa cha njano, watu wote sikuwaona ila niliwaona
vivuli vya watatu wamepiga magoti na mikono yao waliweka kifuani mwao
nilisikia, sauti kuwa huwezi kufa bado utapewa kazi ya kufanya Ulimwanguni nilipozinduka
nilimwona Daktari na wenzake wananifunga vidonda.
Kesho yake nilipelekwa
Muhimbili kwa Ndege ndogo iliyokodiwa na CCM
Taifa. Nililazwa Wodi ya MOI Muhimbili, Daktari aliyekuwa
ananihudumia ni Dr, Paul G. Marealle.
Lakini dawa za kunywa nilitumia Dawa asili bila Daktari kujua.
·
Mwezi Oktoba, 2008 hadi Septemba, 2010
nilikuwa Katibu wa CCM Wilaya Bukombe Shinyanga.
·
Tarehe 5/5/2010 niliota ndoto nikiwa
Dar es salaam, Malaika watatu walisema hakuna kusafiri. Nilimuambia Mhe: Mbunge
Ndugu Emanuel Luhahula, mimi nilimwambia kwa leo tusisafiri, tusafiri kesho.
Yeye aliniambia hapana, lazima tusafiri leo. Tulisafiri Tarehe 6/5/2010,
tulipofika sehemu ya Nasihukulu Kata ya Bukombe saa 3:20 usiku tulivamiwa na
Majambazi, tuliporwa fedha, simu na vifaa mbalimbali pamoja na kupigwa mapanga.
Mimi nilikatwa kwa panga kichwani upande wa kulia. Lakini aliyenikata nilimwambia
kuwa heri uniuwe kuliko kunkatakata, kwani mpaka sasa nina mkono moja tu,
aliondoka.
·
Mwezi Septemba, 2010 Hadi sasa 2011
nilikuwa Afisa wa CCM Makao Makuu Idara ya Organaizesheni. Nilibaini mapungufu
ya utawala.
·
Tarehe 21/05/2011 walikuja Malaika
saba na kuniambia nifunge kuanzia tarehe 23/05/2011 hadi 24/6/2011 ili nichukue
jukumu la Kutibu watu na Amani Ulimwenguni, ni sisi Malaika saba tutakusimamia,
tumeongezeka Malaika wanne sasa tuko saba.
·
Tarehe 24/06/2011 mimi“Nililaani, Nilikemea na kutoa Tamko”
juu ya Vita Ulimwenguni. Pia nitaendelea kutibu watu kwa kutumia Dawa asili
kama nilivyoambiwa na Malaika kwa njia ya ndoto. Mimi mwenyewe hutumia Dawa za
Asili. Huwatibu watu wenye magonjwa tatanishi pia nafanya utafiti.
Mimi Mberito
K. Magova, kama nilivyofunga tangu tarehe 23/05/2011 hadi tarehe 24/06/2011 kwa
maelekezo ya “Roho mtakatifu” kwa
kuleta kwangu Malaika saba (7). Mimi sioni haya kusema mambo matatu juu ya “Amani , Utulivu, Ulinzi na Usalama” Katika
Tanzania na Ulimwengu kwa ujumla kwa mambo yafuatayo:-
1.
Mimi “Nalaani” pia nashauri Serikali iwe makini sana kwa masuala
mbalimbali yanayojitokeza ndani ya jamii katika Taifa letu. Ni hatari sana
Tanzania kutokea vurugu na maafa ya kutisha katika Taifa.
a.
Baadhi ya vyama vya Siasa, kusema
uongo, kuchochea jamii kuandamana, Migomo, Migogoro, Vurugu na Kudai fedha ni
zoezi ambalo litavuruga “Uhuru,
Uzalendo, Demokrasia, Amani, Utulivu, Ulinzi na Usalama katika Taifa letu”. Tutajutia
kimaisha.
b.
Baadhi ya Vyama vya Siasa kuchochea
wananchi ambao hufanya shughuli za machimbo, wafugaji, wafanya biashara
wadogowadogo na wakulima kupambana na wawekezaji, pia kupambana na vyombo vya
Dola vyenye Silaha ni dhana ya kuvuruga suala la “Ulinzi na Usalama katika Taifa”.
c.
Baadhi ya Vyama vya Siasa kuvuruga
Muungano wa Tanzania, kusema Katiba ya Tanzania ina “Viraka” na wengine wanasema Katiba ina “Ukakasi” ni dhana ya kuutukana Umma (Serikali). Katiba ya Jamhuri
ya Muungano ni ya Umma sio ya Vyama vya Siasa au Taasisi yeyote.
d.
Ni vitendo vya aibu kwa baadhi ya
Vyama vya Siasa kuwatukana viongozi, kuwatuhumu kuwa mafisadi na wizi bila
kuwapeleka kwa vyombo vya Shereia au kutoa ushahidi dhidi ya watuhumiwa, ni
dhana ambayo itawagawa Watanzania.
e.
Wabunge kwenye Bunge kuingiza “Itikadi za Vyama” na kuacha kuongelea
Uchumi maendeleo na huduma za jamii “Mijini
na vijijini”, ni kitendo cha kutotenda haki kwa umma.
f.
Baadhi ya viongozi wa vyama vya Siasa
kuwatumia wanafunzi wa vyuo vikuu kuvunja “Amani
na Utulivu” kwa njia ya “Vurugu na
Maandamano”, ni kuandaa kumwaga damu. Kwa sasa vyama vya Siasa na Dini ni hatari ulimwenguni.
g.
Baadhi ya Wabunge kila siku kuibua
historia za “Ufisadi, DOWANS, EPA,
Lichmond na kusema Serikali tangu ipate Uhuru haijafanya chochote, ni kuwahadaa
wananchi, hata wao waeleze tangu tupate Uhuru wamewafanyia nini wananchi.
Wananchi wana washangaa, Wabunge kwa
kutokuwa wakweli. Pia Wabunge kwenye
Bunge, wanahoji Serikali ina mpango gani na maendeleo kwa wananchi. Je! Wao Wabunge kwenye Majimbo yao wana mpango gani wa maendeleo ya wananchi? Maajabu hata
ndani ya Bunge wabunge hutoa hoja binafsi siyo hoja za wananchi.
2.
Mimi “Nakemea” kwa mambo yafuatayo:-
a.
Wananchi kupambana na Polisi ni
kitendo cha hatari sana katika Taifa letu lenye dhana ya “Upendo,Umoja na Mshikamano wa Kizalendo” vitatoweka ndani ya
Taifa, maafa mengi yatatokea ndani ya jamii, hasa kwa wazee na walemavu ambao
hawahudumiwi.
b.
Baadhi ya watu kufanya biashara ya “Dawa za kulevya, Bangi, Milungi na kutengeneza
Noti bandia” (Fedha bandia) ni
kuwa na utawala ovyo.
c.
Baadhi ya Wanaume kuwabaka wanawake na
kuwalawiti watoto wadogo, ni vitendo vya kulaaniwa na Umma wa Tanzania.
d.
Nakemea baadhi ya “Viongozi na Watendaji” wanaoiba fedha za Umma na kununua magari na
kujenga nyumba nyingi za kifahari wakati wananchi wanakabiliwa na “Ukata” wa maisha na makazi kuwa duni,
Watanzania wasiwe na haya kuwasema na kuwakemea, viongozi na watendaji
wasiowajibika.
e.
Nakemea baadhi ya magazeti kuandika
mambo ya uongo na uchochezi kwa kuwasema viongozi na watendaji wa Serikali ya
Chama Tawala, kuwa ni mafisadi bila kuwa na ushahidi, au kuwapeleka Mahakamani
ni kuzidhisha vitendo vya ovyo katika Taifa. Watu wanaotuhumiwa wapelekwe
kwenye vikao vya “Usalama na Maadili”,
kwenye vyama vya siasa au wapelekwe “Baraza
la Maadili na Mahakamani” ili
haki itendeke, sio kuwasema kwenye vyombo vya habari na kwenye mabaa au vijiwe.
3.
Mimi “Natamka” mambo yafuatayo kwa Ulimwengu UN na AU wameshindwa juu ya
“Amani,Utulivu, Ulinzi na Usalama”
kwa Afrika na Ulimwengu kwa ujumla, kwa sababu wanaoneana haya, kuchukua hatua
kwa Viongozi wanaotawala kwa kutumia vyombo vya dola (Majeshi ya ulinzi), kwa manufaa yao.
a.
NATO
waache kuwaua watu wanyonge na kuharibu miundo mbinu Libya, masuala ya
Demokrasia ni ya Walibya wenyewe siyo (AU,
EU na UN).
b.
Migogoro ya Kisiasa kwa nchi zote
zinazopigana Ulimwenguni imalizwe na “Wananchi
wenyewe” kwa njia ya vikao sio kutumia silaha za kivita.
c.
Mataifa makubwa yaache kupeleka
majeshi kwa nchi zenye “Vurugu na
Migogoro” pia warudishe majeshi haraka toka nchi zenye vita vya wenyewe kwa
wenyewe.
d.
Nchi zote zenye vita vya wenyewe kwa
wenyewe wajiuzulu kuanzia tarehe 16/7/2011hadi tarehe 12/8/2011. Kunzia tarehe
15/8/2011 hadi tarehe 30/8/2011 hali itakuwa mbaya sana kwa “Amani na Utulivu” Afrika na
Ulimwenguni yatatokea maafa makubwa kwa
kutokana na “ajali, moto, vurugu”, vita,
maandamano, kimbunga, tetemeko na maafa mbalimbali” kwani hakuna wa kumshinda
Mwenyezi Mungu.
e.
Sisiti kusema Uhuru wa Sudan Kusini
tarehe 9/7/2011 ndoto zangu zinakataa na kuniambia kuna umwagaji wa damu na
watu wengi kikimbia kuanzia tarehe 6/8/2011 na kuendelea.
Samahani sana nimeamua kutoboa siri ya
ndoto zangu za tangu mwaka 1956 kwa kuagizwa na Malaika watatu (3) kwa sasa Malaika
saba (7) mara kwa mara hunijia.
Naomba samahani kwa Watanzania, Waafrika
na Walimwengu kwa ujumla. Vielelezo vya barua mbalimbali ambazo niliwahi kutoa
ushauri kwa kulingana na kuota ndoto. Nimeambatanisha vielelezo vichache ili
mjue ukweli wa ndoto zangu kwa siku za nyuma hadi sasa.
Hata hivyo bado naendelea kutoa ushauri kwa lolote ninaloota kwa Serikali, pia nashukuru Serikali inachukua hatua za kufuatilia matukio mbalimbali hapa Tanzania Afrika na Ulimwengu kwa ujumla.
Hata hivyo bado naendelea kutoa ushauri kwa lolote ninaloota kwa Serikali, pia nashukuru Serikali inachukua hatua za kufuatilia matukio mbalimbali hapa Tanzania Afrika na Ulimwengu kwa ujumla.
Viambatanisho hivyo ni Taarifa ya tarehe 09/05/2000,
Oktoba 2000, Tarehe 11/09/201, 17/Septemba, 2001, 30/09/2001 na 14/Oktoba,
2002, Barua nyingine ninazo wala sihitaji kutoa huo ndio ukweli wa ndoto zangu.
Nazidi kusema Ulimwenguni “Amani, Utulivu, Ulinzi na Usalama” hakuna ila ni
vita na magonjwa.
Naomba samahani sana kwa maelezo ya
maisha yangu kwa ufupi.
NDOTO
ZA MWISHO NA KUPEWA JINA LA (8 DOHARI)
Kama
kawaida yangu kujiwa na Malaika saba kwa kutumwa na Roho mtakatifu saa 08:30
tarehe 26/11/2014 walikuja Malaika saba na kuniambia kuwa sasa tunakuagiza
mambo yafuatayo uyatekeleze.
1.
Kuanzia tarehe 07/12/2014 waambie
viongozi wa Serikali ulimwenguni kuwa Mungu hapendi damu za watu kumwagika kama
kuna kiongozi atakupuuza wewe kumpuuza Mungu.
2.
Mungu atachukua hatua za nguvu za
asili kuanzia tarehe 08/12/2014 hadi tarehe 17/12/2015 kwa mambo mbalimbali.
3.
Mikutano haitafanikiwa pia kutakuwa na
“Vurugu, Ajali, Moto, Maandamano, Maafa na Vita vibaya sana”.
4.
Tarehe 18/04/2015 jiandae kwenda
kutibu ugonjwa wa “Ebola” dawa ulishaonyeshwa bila wewe hakuna wa kutibu pia
utatibu magonjwa sugu.
5.
Kwa sasa Roho Mtakatifu amekupa jina
unaitwa “Nane Dahari” maana ya jina
hilo iko siku utaambiwa. Andika ndoto
zote na kuwapa mataifa bila woga.
6.
Mimi nilipoamka sikuamini wale Malaika
saba waliokaa mbele yangu na kuelekea kaskazini sikuwaona.
Ndipo nilipoandika maagizo. Mimi kuota “ndoto na maono” ni tangu mwaka 1956 mpaka sasa 2015 na yote yametokea na yataendelea Ulimwenguni.
Ndipo nilipoandika maagizo. Mimi kuota “ndoto na maono” ni tangu mwaka 1956 mpaka sasa 2015 na yote yametokea na yataendelea Ulimwenguni.
8.
Mimi nakiri si “Mungu, Roho, Yesu na Muhamadi” ni mtu wa kawaida ila yote
yatatokea.
9.
Nazidi kuomba samahani kwa Tanzania,
Afrika na Ulimwengu kwa ujumla kwa sasa jina langu ni (8 Dahari).
Wenu katika Ujenzi wa Taifa,
………………………………………….
Lt.
Mberito Kimvelye Magova (mst)
(MBEKIMA)
“HAKI
ITATAWALA DUNIA, KAMWE DUNIA HAITATAWALA HAKI”