 |
| Mkuu wa wilaya
ya Shinyanga Josephine Matiro |
Mkuu mpya wa wilaya
ya Shinyanga Josephine Matiro amewataka watumishi wa serikali kutojiingiza
katika mambo ya siasa badala yake wasimamie shughuli za maendeleo ikiwemo
ujenzi wa maabara.
Matiro ameyasema
hayo juzi wakati akijitambulisha katika kikao cha baraza maalum la madiwani wa manispaa ya Shinyanga
kilichofanyika katika ukumbi wa ofisi ya mkuu wa mkoa wa Shinyanga wakati
akihamasisha madiwani na watendaji wa serikali kusimamia ipasavyo suala la
ujenzi wa maabara katika shule za sekondari.
Matiro amesema
watendaji wanapaswa kujiweka pembeni na mambo ya siasa na badala yake wawaachie wanasiasa ili kufanikisha
shughuli za maendeleo ikiwemo ujenzi wa maabara kwani kuna baadhi ya wanasiasa
wanawashawishi wananchi wasichangie ujenzi huo.
Amewataka
watendaji wa serikali kutojiingiza katika
siasa,na kwamba watachukua hatua kali kwa watu wote watakaokwamisha ujenzi wa maabara.
Katika hatua nyingine
mkuu huyo wa wilaya amewataka viongozi wa serikali na vyamavya siasa kuhamasisha
wananchi kujiandikisha katika daftari la kudumu la wapiga kura ili muda
utakapofika waipigie kura ya ndiyo katika inayopendekezwa na kushiriki katika
uchaguzi mkuu ujao.
Naye mstahiki
meya wa manispaa ya Shinyanga Gulam Hafidh Mukadam aliyekuwa mwenyekiti wa
kikao hicho ametumia fursa hiyo kumkaribisha mkuu huyo mpya wa wilaya ya Shinyanga
Josephine Matiro aliyetokea wilaya ya Makete kuchukua nafasi ya Annarose
Nyamubi aliyehamishiwa katika wilaya ya Butiama mkoani Mara.
Mukadam amesema
ujenzi wa maabara katika manispaa hiyo umefikia pazuri na kwamba hadi kufikia
mwezi Juni mwaka huu ujenzi utakuwa umekamilika huku akiahidi yeye na madiwani
wa manispaa hiyo kushiriki kikamilifu katika kufaninisha ujenzi wa maabara na
shughuli mbalimbali za maendeleo.
Na Kadama Malunde-Shinyanga