Vijimambo vya Geita!! NESI NA MATRONI WACHAPANA MAKONDE WAGONJWA WAKISHUHUDIA KISA WIVU WA KIMAPENZI

 

Katika hali isiyokuwa ya kawaida na iliyowaacha midomo wazi watu wengi ni kwamba  huduma  katika kituo cha afya Nyankumbu Halmshauri ya mji wa Geita mkoani Geita zimesimama kwa muda wa masaa matatu na kusababisha wagonjwa waliokuwa hapo kuzidiwa na wengine kuzimia baada ya  Matron wa kituo hicho  na Nesi wake kuanza kutwangana makonde kwa kile kinachodaiwa kuwa ni wivu wa mapenzi.

Tukio hilo limetokea mwishoni mwa wiki iliyopita majira ya asubuhi ambapo Matroni na Nesi huyo  ambao ni Wankyo Lyimo na Ritha Hanga waliotwangana makonde muda mfupi baada ya kufika kazini hapo.

Inaelezwa kuwa nesi na matroni huyo walikuwa wanatuhumiana kuchukuliana mabwana.

Shuhuda mmoja ambaye hakutaka  jina lake litajwe ameiambia Malunde1 blog kuwa ,wahudumu hao wa kituo cha Afya walifika kama kawaida kazini lakini kila mmoja alikuwa amefura hasira dhidi ya nyoka mwenye sumu kali.

"Walifika kama kawaida kazini, lakini kilichotushangaza ni kuona kila mmoja akiwa na hasira  kali ,hali hiyo ilitufanya hata sisi kuwa na mashaka makubwa juu yao'

"Muda mfupi  walianza kutupiana vijembe  jambo ambalo lilisababisha wagonjwa waliokuwepo kuanza kushangaa na wengine walikuwa na hali mbaya kuzimia kwa muda mfupi",alieleza shuhuda huyo.

Baadhi ya wagonjwa walisema wameshangazwa na kitendo hicho cha Matroni na Nesi wake kutupiana vijembe mpaka kutwangana makonde na kudai kuwa si jambo la busara hata kidogo kupigana ngumi hivyo wachukuliwe hatua.

Alipotafutwa Matroni na nesi wake ili kutaka kujua  chanzo cha kutwangana makonde kazini walidai wao siyo wasemaji bali msemaji ni  mganga mkuu wa Hospitali.

Kaimu Mganga mkuu  aliyejulikana kwa jina moja la Mshandete alikiri kuwepo kwa tukio hilo lakini akasema limekwisha kupelekwa kwa afisa utumishi na hawezi kulizungumzia.

Naye Afisa utumishi mmoja pamoja na kugoma kutaja jina lake aliyekutwa Ofisini na kuulizwa juu ya suala hilo alikiri kuwepo kwa sakata hilo lakini akasema haoni haja ya kulifuatilia kwani ni jambo dogo.

"Jambo hilo lipo lakini sioni ukubwa wake kwa nini ufuatilie suala dogo kama hili? kuna mambo mengi ya kufuatilia wewe nenda ufuatilie mengine ",alisema afisa huyo.

Habari za kuaminika kutoka ndani ya kituo hicho zinasema pamoja na wauguzi hao kuanza kutupiana vijembe muda mrefu lakina hakuna hata kiongozi wa juu aliyechukua hatua dhidi yao.

Na Valence Robert- Malunde1 blog  Geita