Picha: ASKOFU MTEULE LIBERATUS SANGU ASIMIKWA RASMI KUWA ASKOFU WA JIMBO KATOLIKI LA SHINYANGA,PICHA ZIKO HAPA TUKIO ZIMA

Askofu mteule wa jimbo katoliki la Shinyanga Mosinyo Liberatus Sangu leo Aprili 12,2015 amewekwa wakfu na kusimikwa rasmi kuwa Askofu wa jimbo hilo lililokuwa wazi kwa muda wa miaka mitatu tangu askofu aliyekuwa analiongoza Aloysius Balina kuaga dunia mwaka 2012. 

Ibada ya kuwekwa wakfu na kusimikwa kwa askofu mpya wa kanisa katoliki jimbo la Shinyanga Liberatus Sangu imefanyika katika kanisa kuu la Mama Mwenye Huruma la Ngokolo mjini Shinyanga ikiongozwa na askofu wa jimbo kuu la Dar es salaam mwadhama Polycarp Kadinali Pengo ambapo rais wa Jamhuri ya Muungano wa Tanzania Jakaya Kikwete alikuwa mgeni rasmi.

Maelfu ya watu wameshuhudia tukio hilo muhimu wakiwemo mapadre,watawa,waumini,wabunge,mawaziri,wakuu wa wilaya,wakuu wa mikoa,viongozi wa vyama vya siasa,viongozi wa dini dini mbalimbali na watu mbalimbali wenye mapenzi mema.

Askofu Liberatus Sangu anakuwa askofu wa nne katika jimbo la Shinyanga,wa kwanza alikuwa Askofu Mc Gurkin Eduard kuanzia 3.10.1956 hadi 1975,wa pili ni askofu Castor Sekwa,ambaye ni askofu wa kwanza mzalendo mwaka 1975-1996,wa tatu ni askofu Aloysius Balina kuanzia 16.11.1997 hadi 06.11.2012.

Angalia hapa chini Matukio katika picha.....Picha zote na Kadama Malunde-Malunde1 blog

Kulia ni waziri mkuu mstaafu Edward Lowassa akiwasili katika kanisa la Mama Mwenye Huruma la Ngokolo mjini Shinyanga leo,kushoto kwake ni mwenyekiti wa CCM mkoa wa Shinyanga Khamis Mgeja

Baada ya kuwasili wanafurahia jambo 

Askofu Pengo akiongoza ibada ya kuwekwa wakfu na kusimikwa kwa askofu Liberatus Sangu,kushoto kwake ni aliyekuwa msimamizi wa kitume wa jimbo la Shinyanga tangu mwaka 2012 Askofu Yuda Thadeus Ruwaich kutoka jimbo katoliki la Mwanza

Nje ya kanisa 

Maaskofu na mapadre wakiwa eneo la tukio wakati wa ibada(wa pili kutoka kulia mstari wa kwanza ni askofu Sangu 

Wakakwaya wakifanya yao 

Askofu mteule Sangu akijibu maswali kabla ya kusimikwa rasmi kuwa askofu wa jimbo katoliki la Shinyanga 

Askofu Sangu akiwa amejilaza chini wakati ibada hiyo

Askofu Sangu akiwa amelala chini 

Askofu Sangu akiwekewa mikono na maaskofu kutoka maeneo mbalimbali nchini Tanzania 

Balozi wa Papa nchini Francisco,Padilla akimwekea mikono askofu Sangu 

Askofu Sangu akiwekewa kitabu cha injili kichwani 

Askofu Sangu akipakwa mafuta 

Askofu Sangu akikabidhiwa kitabu cha injili 

Askofu Sangu akivalishwa pete ya uaskofu 

Ibada inaendelea 

Askofu Sangu akikabidhiwa bakora ya kiaskofu 

Ibada inaendelea 

Viongozi mbalimbali wakiwa eneo la tukio 

Viongozi mbalimbali wakipeana mkono na askofu Sangu 

Waziri mkuu mstaafu Edward Lowassa akipeana mkono na Askofu Sangu 

Maaskofu wakiwa katika picha ya pamoja baada ya askofu Sangu kuwekwa wakfu na kusimikwa rasmi 

Askofu Sangu akiwa na machifu 

Askofu Sangu katikati akiwa katika kiti cha uaskofu 

Ibada ya kusimikwa kwa askofu Sangu ikiendelea,rais Kikwete (wa tatu )akiwa eneo la tukio muda mfupi baada ya kuwasili 

Rais Kikwete akisaini 

Watangazaji wa Radio Faraja fm Stereo,inayomilikiwa na kanisa katoliki Shinyanga wakirusha matangazo ya moja kwa moja kutoka eneo la tukio,aliyeshikilia kipaza sauti ni Ndugu Anikazi Kumbemba 

Rais Kikwete akifuatilia kilichokuwa kinajiri eneo la tukio,wa kwanza kushoto ni mkuu wa mkoa wa Shinyanga Ally Nassoro Rufunga,wa kwanza kulia ni mkuu wa wilaya ya Shinyanga bi Josephine Matiro,akifuatiwa na mwenyekiti wa CCM mkoa wa Shinyanga ndugu Khamis Mgeja 

Rais Kikwete akitoa salamu za serikali kwa askofu Askofu ambapo alimpongeza kwa kuteuliwa kuwa askofu wa jimbo katoliki la Shinyanga

Picha zote na Kadama Malunde-Malunde1 blog

BOFYA HAPA USOME ALICHOKISEMA MHESHIMIWA RAIS KWENYE TUKIO HILO