Jamaa Aliyeua Mke Kwa Nyundo Huko Kahama Kisa Simu ya Mchepuko Akamatwa na Polisi

NB-Siyo Nyundo iliyotumika katika mauaji Kahama

Jeshi la polisi mkoa wa Shinyanga limefanikiwa kumkamata mwanamme anayejulikana kwa jina la Deus Shitungulu anayetuhumiwa kumuua mke wake Monica Dadagada (25) kwa kumpiga nyundo kichwani katika kijiji cha Busungo kata ya Segese halmashauri ya Msalala wilayani Kahama.

Mwanamme huyo anadaiwa kumuua mke wake Agosti 14 mwaka huu majira ya saa nne usiku baada ya kile kilichoelezwa kuwa usiku huo mme wake alipigiwa simu na mwanamke mwingine ndipo mkewe (Monica) akamuuliza mmewe kuwa mwanamke anayepiga simu ni nani hali iliyosababisha kuibuka ugomvi na hatimaye jamaa akachukua nyundo na kuitumia kumshambulia mkewe kichwani na kusababisha kifo chake papo hapo.

 

Kwa mujibu wa kamanda wa polisi mkoa wa Shinyanga ACP Muliro Jumanne Muliro mtuhumiwa huyo amekamatwa na jeshi la polisi baada ya wananchi kushirikiana na jeshi hilo kumsaka katika maeneo mbalimbali kama Busungo,Segese,Lunguya,Kakola,Bulige na hatimaye kumnasa akiwa mjini Kahama.

Kamanda Muliro amesema mtuhumiwa anahojiwa na polisi na atafikishwa mahakamani haraka iwezekanavyo.
SOMA HABARI KAMILI <<HAPA>>

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com