TRENI ya mwendo haraka, (DELUX), iliyokuwa ikitokea Kigoma kwenda jijini Dar es Salaam, imeanguka eneo la Ruvu mkoani Pwani leo Jumapili Januari 29, 2017.
Msemaji wa TRL, Medladjy Maez amesema treni hiyo imeanguka leo majira ya saa 9:40 alasiri.
"Treni yetu ya Deluxe ilipokuwa ikirejea Dar kutoka Kigoma imepata ajali kati ya vituo vya Ruvu na Ngeta ambapo mabehewa 9 yamepata ajali",amesema
Amesema kati ya hayo manne yameanguka, mawili yametenguka na matatu yameacha njia..
Inaelezwa kuwa watu kadhaa wamepata majeraha mepesi isipokuwa mmoja ndiye aliyepata majeraha makubwa na amekimbizwa hospitali kwa matibabu zaidi.
Habari na Khalfan Said wa K-VIS BLOG
Treni ikiwa imeanguka
