Mabingwa wa 2010, Uhispania imeandamana na bingwa mwenza wa 2014 Ujerumani, waliowatangulia kwa kutoka hatua ya makundi.
Uhispania imelemewa baada ya kipa wa Urusi Igor Akinfeev kuzuia mikwaju miwili na kuipa Urusi ushindi wa 4-3.
Kiungo Jorge Merodio, maarufu Koke na mwenzake Iago Aspas walipoteza mikwaju yao licha ya kufika kitovu cha penalti kwa shamrashamra na madaha.
Wenyeji hao Urusi wametua Robo fainali za Kombe la Dunia kwa mara ya pili tangu 1996 wakati walifika hatua ya Nusu fainali.
Warusi sasa wanamsubiri atakayefanikiwa kati ya Croatia na Denmark.
Mechi yao ya robo fainali itapepetwa uga wa Olimpiki wa Fisht, Sochi Jumamosi saba Julai.