Kwa mujibu wa Idhaa ya Kishwahili DW, Rabiei amesisitiza kuwa Tehran iko tayari kubadilishana wafungwa na Marekani bila masharti yoyote.
Iwapo hilo litatokea, basi itakuwa ni mojawapo ya matukio machache ya ushirikiano kati ya Marekani na Iran, mataifa mawili ambayo yamekuwa kama mfano wa pamba na moto.
Uhusiano wa Marekani na Iran umezidi kuwa mbaya hasa baada ya Rais Donald Trump kuingia madarakani
Kumetolewa wito na nchi zote mbili kubadilishana wafungwa kutokana na janga la virusi vya Corona.
Katika eneo la Mashariki ya kati, Iran imeathirika pakubwa na janga hilo nayo Marekani ikiongoza kwa idadi ya vifo vinavyotokana na ugonjwa wa Covid 19 kote duniani.