MWILI WA MSANII C PWAA WAZIKWA MAKABURI YA MWINYI MKUU MAGOMENI DAR ES SALAAM

Mazishi ya Msanii wa Bongo Fleva, Ilunga Khalifa maarufu C Pwaa yamefanyika jioni ya leo kwenye makaburi ya Mwinyi Mkuu Magomeni, Dar es salaam. Cpwaa amefariki dunia usiku wa kuamkia leo Januari 17, 2021 katika Hospitali ya Taifa Muhimbili.

Kaka mdogo wa msanii huyo ambaye alikuwa akimuuguza kipindi chote cha maradhi, Murad Omar Khamis amesema kaka yake alikuwa akisumbuliwa na ugonjwa wa homa ya mapafu (pnemounia) kwa wiki sasa lakini alizidiwa wiki hii na walimkimbiza hospitali ambapo alilazwa kabla ya umauti kumfika usiku wa kuamkia leo Januari 17.

"Alikuwa anaumwa wiki mbili zilizopita, na akaja kuishi hapa nyumbani kwa mama yake. Ila Jumatano alizidiwa ndiyo tukamkimbiza hospitali muhimbili, alilazwa ICU," aliongeza.