Charles Hilary Mkurugenzi Mteule wa Idara ya Mawasiliano, Ikulu Zanzibar
***
Rais wa Zanzibar na Mwenyekiti wa Baraza la Mapinduzi, Mheshimiwa Dkt.Hussein Ali Mwinyi amefanya uteuzi wa viongozi wafuatavyo;
Mosi, Mheshimiwa Rais Dkt. Mwinyi amemteua Charles Martin Hilary kuwa Mkurugenzi wa Mawasiliano ya Rais Ikulu.
Pili kwa mujibu wa taarifa iliyotolewa na Katibu wa Baraza la Mapinduzi na Katibu Mkuu Kiongozi Zanzibar, Mhandisi Zena A.Said leo Desemba 30,2021 pia Mheshimiwa Rais Dkt. Mwinyi amemteua Yusuph Majid Nassor kuwa Mkurugenzi Mkuu wa Taasisi ya Viwango Zanzibar (ZBS).
Tatu, Mheshimiwa Rais Dkt. Mwinyi amemteua Dkt. Idrissa Muslim Hija kuwa Mwenyekiti wa Bodi Uhaulishaji Ardhi Zanzibar.
Kwa mujibu wa taarifa hiyo, uteuzi huo umeanza leo Desemba 30,2021.
