BLOGA MAARUFU NCHINI UGANDA AUAWA KWA KUPIGWA RISASI

Bloga mashuhuri kutoka taifa la Uganda Ibrahim Tusubira maarufu kama Isma Olaxess amepigwa risasi na kuuawa katika mtaa wa Kyanja katika jiji kuu la Kampala.

Olaxess ambaye alikuwa mwenyekiti wa muungano wa mabloga wa Uganda, alikuwa maarufu kwa video zake kwenye mitandao ya kijamii ambako aliwakosoa vikali wanasiasa. 

Bloga huyo hata hivyo pia alijishughulisha na masuala mengine kama vile video za kuburudisha na kufahamisha umma kuhusu masuala mbalimbali kama vile taarifa za watu mashuhuri. 

Kwa mujibu wa vyombo vya habari nchini humo, Isma Olaxess alipigwa risasi na kuuawa na watu wasiojulikana ambao walimwandama kutumia pikipiki akiwa njia kwenda nyumbani.