SERIKALI KUTOA MAFUNZO KWA WATAALAM ZAIDI YA 500 WA TEHAMA-MHANDISI KUNDO

Na Mathias Canal, Arusha

Katika mwaka wa fedha 2023/2024, serikali kupitia Wizara ya Habari, Mawasiliano na Teknolojia ya Hbari inatarajia kutoa mafunzo kwa wataalam zaidi ya 500 wa TEHAMA katika nyanja mbalimbali za TEHAMA. 

Utekelezaji wa majukumu hayo unaiwezesha Tanzania kushiriki katika uchumi wa kidijitali wakati wa Mapinduzi ya Nne ya Viwanda (4IR) yanayowezeshwa na kuendeshwa na TEHAMA na kuwa na jamii inayopata taarifa sahihi kwa wakati.

Naibu Waziri wa Habari, Mawasiliano na Teknolojia ya Habari Mhe Mhandisi Kundo Mathew Ameyasema hayo leo tarehe 20 Juni 2023 wakati Akifungua mkutano mkuu wa mwaka wa Taasisi ya Usalama wa Mitandao nchini (ISACA) uliofanyika katika Hoteli ya Grand Melia Mkoani Arusha.

Naibu Waziri Mhe Mhandisi Kundo amesema kuwa Wizara imetenga fedha kwa ajili ya kusaidia mafunzo ya muda mfupi na mrefu katika teknolojia mbalimbali za teknolojia inayochipukia ili kujiandaa na Mapinduzi ya Nne ya Viwanda.

Amesema kuwa Sekta ya Habari na Mawasiliano ilikua kwa asilimia 0.7 hadi asilimia 9.1 mwaka 2021. Ukuaji huo unathibitishwa na kuongezeka kwa upatikanaji na matumizi ya huduma za mawasiliano na kuenea kwa huduma zinazotolewa na vyombo vya habari.

Amesema kuwa Watumiaji wa intaneti wameongezeka hadi kufikia milioni 33.1 mwezi wa Aprili 2023. “Tunaona ongezeko la idadi ya watoa huduma za miundombinu, maombi na watoa huduma walioongezwa thamani. Tanzania haijaachwa nyuma katika mapinduzi ya kidijitali. Pamoja na kuimarisha na kupanua miundombinu” Amekaririwa Mhandisi Kundo

Kadhalika amesema kuwa Serikali kupitia Tume ya TEHAMA itaendelea kuratibu mafunzo ya wataalam wa TEHAMA katika maeneo husika ili kuhakikisha nchi inasonga mbele na kutokubaki nyuma katika Mapinduzi ya Nne ya Viwanda na kupitishwa kwa teknolojia kwa uchumi wa Tanzania.

“Tumetoa mafunzo kwa wataalam 352 katika maeneo ya Uchanganuzi wa Data Kubwa na Usalama wa Mtandao na tunapanga zaidi kutoa mafunzo kuhusu Ujasusi Bandia, Uchanganuzi mkubwa wa Data, Cybersecurity, Cryptography, Cloud Computing, Blockchain, Computer Forensics, Development Development, Mobile Application Development, Robotiki, na ICT. 

Mhe Kundo amesema kuwa Rais wa Jamhuri ya Muungano wa Tanzania, Mhe Dkt. Samia Suluhu Hassan, alianzisha Wizara ya Habari, Mawasiliano, na Teknolojia ya Habari Septemba 2021 na kuipa majukumu tisa ambapo kati ya hayo, ISACA inakamilisha mawili ambayo ni Kuendeleza wataalam wa TEHAMA kwa kuongeza ujuzi na uthibitisho; pamoja na Ulinzi na usalama mtandaoni. “Naipongeza ISACA kwa michango yake, kwani itasaidia kufikia usawa mpya na kwa pamoja kuendesha ubunifu wa ICT katika nchi yetu” Amesisitiza Naibu Waziri Kundo

Pia amesema kuwa Wizara inaongoza uratibu wa mapinduzi ya kidijitali nchini ambapo Mapinduzi ya kidijitali yanafungua njia kwa uchumi wa kidijitali ambao ICT inawezesha kupitia ushirikiano wa sekta zote.